تفعيل باى بال paypal بالكامل سحب وارسال من الشركات والمواقع الربحية فيزا البريد المصرى VISA ELECTRON




اعضاء مدونة ميكروتيك العرب الكرام..

اليوم اتطرق لموضوع تفعيل حساب باى بال PAYPAL بالكامل للمصريين..

بالكامل يعنى اتاحة استقبال الارباح من الشركات الربحية على الانترنت..

لان زى ماقلت لكم فى الموضوعات السابقة كل الطرق فى مصر هى تفعيل الحساب ارسال وفقط..

لكن النهاردة بفيزا البريد المصرى هانفعل الحساب استقبال من الشركات الربحية..

كل اللى عليك تتوجه بمبلغ 30 جنيه مصرى وتشترى بطاقة اسمها VISA عائلية او شبابية كلها مسميات واحدة..

اطلب بطاقة فيزا ام 30 جنيه من عندهم..

هاياخد منك البطاقة يكتب بيانتها فى دفتر وياخد ال 30 جنيه منك..

ثم يقولك اتوجه لشباك رقم كذا..

هاتعطى له الفيزا والبطاقة بتاعتك يسجلك على الكمبيوتر..

هايعطى لك رقم 0235315900 تتصل عليه بعد الساعة 3 عصرا..

تتصل عليهم من تليفونك هايطلب رقم الفيزا وبيانات البطاقة ورقم الموبايل اللى انت سجلتهم على الكمبيوتر فى البريد..

بكده البطاقة تم تنشيطها..

دلوقتى محتاج البطاقة يبقى فيها 15 جنيه مصرى رصيد الباى بال هايخصمهم ويرجعهم لك تانى..

يبقى ترجع البريد تانى وتعمل ايداع من الشباك ب 100 جنيه...

بالرغم انك مش محتاج الا 15 جنيه الا من شروط البطاقة ان اقل ايداع ب 100 فهنحط ال 100 مرة واحدة..

100 جنيه فقط وليس 100 دولار ياشباب!!

ترجع تانى لحسابك فى باى بال..

تربط الفيزا بالحافظة بتاعتك..

هايطلع لك رسالة من باى بال يقولك احنا بعتنا لك كود من 4 ارقام..

تتصل على الرقم 0235315900 تانى  وتقولهم اخر عملية انا دفعت 15 جنيه جنبها رقم 4 ارقام اعطوه لى..

بمجرد ماتاخده تحطه فى باى بال ويبقى كده الحساب مبروك عليك متاح ارسال واستقبال من كل شركات العالم..

بعد كده لما تستقبل ارباحك عليها من باى بال ابقى اسحب من الشباك فى البريد بدل المكنة علشان توفر 9 جنيه تقريبا مصاريف 

علشان تفهم التجربة كاملة بالفيديو شاهد الفيديو التالى..


معلومات عن بطاقة البريد المصرى..

مزايا وقواعد استخدام بطاقة البريد المصرى VISA ELECTRON مدفوعة القيمة مقدما

* يجب التاكد من سلامة مظروف الرقم السرى وانه لم يتم فتحه من قبل..

هاتلاقى ورقة مربعة اقطعها من الجنب هاتلاقى جوه 4 ارقام بتوع المكنة بتاع السحب لما تحط الكارت فى المكنة

* يمكن استخدام البطاقة باستخدام الرقم السرى الخاص بها وذلك بعد تنشيطها من خلال عملية شحن رصيد البطاقة

* الرجاء عدم اطلاع اى شخص على رقمك السرى الشخصى

* ضرورة حفظ الرقم السرى الشخصى وعدم وضعه فى اى مكان يكون مقرونا بالبطاقة بعد تنشيطها

* البطاقة والرقم السرى الشخصى مسؤلية صاحب البطاقة لذا يجب المحافظة عليهما وتجنب فقدانهما

* فى حالة فقدان البطاقة او الرقم السرى الشخصى يرجى ابلاغ مركز الاتصال للبريد المصرى على ارلاقام التالية..

02-25804913 او 02-25804908 او 02-25804929

* فى حالة تغيير اى من البيانات الشخصية لصاحب البطاقة يتعين عليك الذهاب لاقرب فرع بريد لتحديث البيانات

* يحق لحامل البطاقة الايداع اكثر من مرة طوال مدة صلاحيتها بحد ادنى 100 جنيه مصرى

على الا يتجاوز الرصيد الغير مستخدم بالبطاقة مبلغ 5000 جنيه مصرى

الرابط للتاكد من ان حسابك متاح استقبال من الشركات تفضل

الملفات المرفقة

اترك رد ليكتمل التحميل من فضلك سيرفر ميكروتيك العرب

الرابط الحجم , عدد مرات التحميل :
تفعيل باى بال paypal بالكامل سحب وارسال من الشركات والمواقع الربحية فيزا البريد المصرى VISA ELECTRON


  1. زي الفل لان الباي بال قرفني وقاعدين يتصلو ويقرفو فيا ويقولو عاوزين كشف حسابك فى امريكا ووجع دماغ كل دة علشان بايونير تسلم ايدك يا شادي يخليك للشعب المصري

    ردحذف
  2. على فكرة مش شرط تتصل بعد الساعة 3العصر
    انا عملت الفيزا تقريباالساعة1:30واتصلت بخدمة العملة فى نفس الوقت وقالو نص ساعة ويفعلو الفيزا وبعد نص ساعة وانا فى المكتب اتفعلت الفيزا واودعت فلوس.

    ردحذف
    الردود
    1. صح نفس اللى عملتة بردة كانت الساعة حوالى 11ونص خلص الااجراءات فى البريد و اتصلت عليهم و نص ساعة كانت اتفعلت و اودعت الـ 100 جنية .

      حذف
  3. بس لو سمحت ياشادى
    انا فعلت ادسنس ببطاقة بيونير وبعت ليك اكتر من مرة
    دلوقتى الحساب بتاعى هيتقفل لمجرد انى فعلت ببيونير ولا عشان الناس كانت بتشتغل مخالف؟
    وحاجه كمان..انا لما جيت اربط الفيزا بالبيبال معملش معاية قصت كود الاربع ارقام..الفيزا ظهرت انها مربوطة بيبيبال مباشرة.

    ردحذف
  4. دي بركه دي ان البايونير يتفعل بسرعه كده لو الحساب عندك بيقبل و يرسل من المواقع الربحيه يبقي انت كده عالمي

    ردحذف
  5. الف شكر ليك يا استاذنا واللهي انتا دروسك بتعطينا امل في بكره وان ممكن الظهر يلعب معانا.... هههه حبيبي يا ريس

    ردحذف
  6. طب بالنسبة لفيزا البنك العربي الافريقي ينفع استقبل عليها فلوس من paypal ؟

    ردحذف
  7. عموله المعاملات الاجنبيه فيها قد ايه ؟

    ردحذف
  8. طيب هل ينفع اعمل withdraw للفيزا واسحب بيها من ماكينه ATM ?

    ردحذف
  9. روحت اعمل الفيزا بتاع البريد ملقتهاش موجوده وطلعو ميعرفهاش
    بلد جميله

    ردحذف
  10. ياجماعه ممكن حدي يفدنى انا سجلت فى ادسنس من غير مادفع ولا مليم وعملولى حساب ادسنس ومعايا pulicher ID ومش عارف اعمل ايه تانى ممكن حد يساعدنى

    ردحذف
  11. انا روحت اعملها قالولى عاوزين صورتين 4 ف 6 ده مطلوب ي جدعين ولا كان قصده ع فيزا تانيه

    ردحذف
  12. ياجماعه لو سمحتو مش عارف ادخل الرابط بسبب موقع اختصار الروابط ممكن حد يديني الرابط

    ردحذف
  13. ياشباب وانا شو بدي احكي عن حالنا بسوريا ...بس الحمد للله ع كل حال ...

    ردحذف
  14. استاذ شادى انا عندى مشكله فى اضافة فيزا البريد المصرى مقبلهاش خالص بتقول> هذه البطاقة غير مقبولة. يُرجى استخدام بطاقة مختلفة. ارجو الرد

    ردحذف
  15. شكرا على الشرح الوافى

    ردحذف
  16. http://myhackeregypt.blogspot.com.eg/

    ردحذف
  17. http://myhackeregypt.blogspot.com.eg/

    ردحذف
  18. http://myhackeregypt.blogspot.com.eg/موقع ممتاز

    ردحذف
  19. جزاك الله خيراً استاذى شادى

    ردحذف
  20. لو سمحتم فى حد جربها واستلم الارباح ولا فى مشاكل

    ردحذف
  21. عاوز اعرف هيه الفيزه دى ممكن استخدمها فى روسيكليكي

    ردحذف
  22. انا لسة مطلعاها وجربتها لكن مقبلهاش

    ردحذف
  23. لو سمحت يا أستاذ شادى أنا قمت بعمل الفيزا الفاميلى كارد ووضعت بها 4000 جنيه مصرى وقمت بتطبيق شرحك خطوه بخطوة فى تفعيل الباى بال وبالفعل قام الباى بال بأرسال رسالة لى على البريد المصرى وقد قمت بالأتصال بهم و أعطونى الرقم الذى ارسلته لى الباى بال وقمت بأدخاله فى الباى بال وقالو لى ان ملفى الشخصى مفعل بنسبة 100% ولكن عن الضغط على (معرفة قدر المبلغ الذى يمكنك ارساله بواسطة paypal ) تظهر لى صفحة مكتوب بها هذا النص ( Withdrawal Limit
    Your credit or debit card daily withdrawal limit is the maximum amount you can withdraw to your card each day.

    Your daily card withdrawal limit is: -€0.01 EUR per day

    -€0.01 EUR Remaining
    Limits refer to your primary currency. If you use a different currency, we will convert the equivalent amount to your primary currency and amend the limit accordingly. ) ولا أعرف السبب ولم تظهر لى علامة صح مثلما ظهرت مع حضرتك بالأضافة الى ان رصيدى مازال صفر فى الباى بال الرجااااااااااااااااااء المساعدة

    ردحذف
    الردود
    1. عندى نفس المشكلة بتاعتك دى اتفعل بس جايبلى ان الحد الاقصى للسحب اليومى 0.01 يورو يعنى سنت . لو حلتها قولى احلها ازاى

      حذف
  24. تسلم ايدك على الشرح الجميل دة يا شادى وربنا يكرمك ويزيدك من علمة انا عملت البطاقة أمبارح وفعلتها واودعت الـ 100 جنية و ناقس انى افعل الباى بال ربنا يكرمك كرم الصالحين .

    ردحذف
    الردود
    1. ممكن حضرتك تقولى حل موضوع ان الحد الاقصى 1 سنت دى؟

      حذف
  25. شكرا جزيلا على مجهود الاكثر من رائع ربنا يجعله فى ميزان حسناتك وكل عام والجميع بخير مع وافر الاحترام والتقدير

    ردحذف
  26. عايز افهم نقطه دلوقتى لو حولت باليورو حيوصل ازاى باى بال وكمان مثلا لو حولت 100دولار من باى بال حيوصولو كم مصرى

    ردحذف
  27. السلام عليكم يا جماعة حد يطمني الفيزا ده سحب و ايداع من المواقع الربحية اللي جرب يفدني لو سمحت وشكرا

    ردحذف
  28. site honest It works since 2004
    لمن يبحث عن ربح حقيقي موقع صادق وعن تجربه شخصيه ويعمل منذ 2004
    http://arbah-fe-makank.blogspot.com.eg/

    ردحذف
  29. للاسف تم الغاء التعامل مع البايبال
    الخبر بالكامل من هنا
    http://wp.me/p7qlzs-8D

    ردحذف
  30. اعلان البنك المركزي بوقف سحب الاموال من البايبال عبر الفيزا
    للاسف تم الغاء التعامل مع البايبال
    الخبر بالكامل من هنا
    http://wp.me/p7qlzs-8D


    ردحذف
  31. طيب دلوقتي انا مش عايز سحب انا عايز اشتري بيها من علي النت فقط لاغير بعد اما دخلت فيز البريد العائلية بتديني الجملة دي
    Confirm your card to raise your account limits
    Error Message

    The Credit Card Verification System used by PayPal is currently unavailable. Please try to add your credit card at a later time. We apologize for this inconvenience.

    It's easy to raise your PayPal account limits and get Verified - just confirm your debit or credit card. ياريت حد يقولي اعمل ايه بالظبط

    ردحذف
  32. شرح جميل وسهل ومفصل. لو عايز تعرف اخر اخبار التكنولوجيا وطرق الربح زورنا علي مدونه ارباح العرب
    http://www.arabearnings.com/

    ردحذف
  33. اخي الحبيب اليكم فرصه جميله جدا في العمل علي الانتر نت اكتسب المال كل الي عليك النشر الموقع هو

    اختصار الروابط اربح بكل سهولة وليس فيه اي نصب جرب ولا تخف معاك معاك في كل وقت اخي الحبيب

    الحد الأدنى للسحب 1دولار كل الي عليك سجل من هذا الموقع واي شيء مش عرفه ارسال لي رساله

    السحب ممكن فودافون كاش باي بال بتكوين انا مجرب كل شيء ان الموقع صادق وعن تجربه لا تخف اخي

    هذا هو موقع الزياره والثاني هو موقع التسجيل حساب في الموقع والعمل عليه كل الي عليك معاك اي موقع

    ضعه في الموقع ثم النشر تري معاك كثير السحب كل يوم ان شاء الله اليكم الموقع الإلكتروني للربح من

    الانترنت اتفضل اخي الكريم بالتسجيل في اول لينك هنا

    https://linkkatk.com/ref/myramy
    رجاء عمل لي زياره من هنا http://linkatk.net/M67QZ7



    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...