مشكلة الانترنت البطىء جدا حل مشكلة بطىء النت والتقطيع وتسريع التصفح والفيس بوك حل نهائى vpn



فى الاونة الاخيرة لاحظنا مشكلات كبيرة جدا فى التصفح والانترنت بطىء جدا جدا ..

الفيس بوك مش بيفتح..اليوتيوب تقطيع وشلل تام..جوجل مش بتفتح كتير..

كمان اللى زاد المشكلة حظر الاتصال من واتس اب وفيس بوك وسكاى بى..

اغلب الشركات تغلق بورتات الاتصال من التطبيقات الاشهر فى العالم..

لمن لم يشعر بحظر الاتصال جرب الاتصال باحد اقاربك عبر الواتس اب مثلا بس يكون خارج مصر..

يعنى فى دولة تانية ستجد رسالة ان هاتفك الخلوى لايدعم الاتصال او شبكتك الخلوية لاتدعم الاتصال ..

ميزة درس اليوم او ماسيوفره لك الدرس سواء فى شبكة او الورتر الخاص بك فى المنزل..

(1) اى حاجة محجوبة مثل خدمات فايبر وواتس اب وتانجو وفيس كل

 دول الاتصال او المكالمات بتاعتهم هاتقف على كل الشركات فى مصر 

وبيتم تركيب بروكسيات مخصوص لكده..انت شبكتك هاتتحمى من الكلام ده نهائيا

(2) مجموع الدمج هايبقى وان واحد ويختفى كل مشاكل الدمج نهائيا

(3) التصفح مختلف تماما

طيب عاوزين نعرف يعنى ايه فى بى ان؟!!

شرح لموضوع ال VPN ببساطة

VPN = Virtual Private Network

يعنى شبكة افتراضية خاصة

يعنى ببساطة لو مثلا عندك شبكة فى شركة فى اسكندرية وعندك فرع تانى للشركة فى اسيوط ومحتاج تربط الشبكتين مع بعض علشان سيرفر الحسابات موجود فى فرع اسكندرية وعايز الناس اللى فى فرع اسيوط تستخدمه

ده كده ابسط تعريف لل VPN

1- طيب واحنا ممكن نستفيد بيه ازاى ؟
=======================
ببساطة لما تكون متصل بسيرفر VPN بره مصر وليكن فى المانيا مثلا فانت بتبقى واخد خدمة الانترنت من السيرفر ده كأن السيرفر اللى فى المانيا هو الراوتر بتاعك

وبالتالى لو دخلت على اى موقع بيحدد ال IP بتاعك حيديلك اى بى السيرفر ويقولك ان مكانك فى المانيا

فبالتالى لو فتحت اليوتيوب حيديلك يوتيوب المانيا وجوجل المانيا وهكذا

2- برضه مافهمتش انا استفيد بيه فى ايه ؟
========================
الموضوع ببساطة ان سيرفرات مزود الخدمة فى مصر مابتوصلكش سرعتك كاملة ابدا وده له سببين
أ- انه بيعمل شير للسرعة فى السنترال على كل اليوزرات
ب- ان سيرفراته اللى شغالة وبتلبى طلبات الناس بيزيد الحمل عليها فالطلب بتاعك دايما بيتأخر

لكن لما تكون واخد اكونت VPN السيرفر اللى انت متصل بيه بيبقى هو الراوتر بتاعك هو اللى بيلبى طلباتك فبالتالى بيبقى التصفح سريع جدا اكتر من مزود الخدمة بتاعك وبتحس بفرق رهيب فى التصفح وبتاخد تقريبا سرعتك كلها فى التحميل

تانى حاجة لو مزود الخدمة عنده مشاكل زى اللى حصلت اليومين اللى فاتوا بطء التصفح وتقطيع وفيه مواقع كتير مابتفتحش كل المشاكل دى بتختفى لما تكون متصل بسيرفر VPN

تالت حاجة لو مزود الخدمة بتاعك مركب بروكسي سيرفر وبيحجب عنك مواقع معينة زى اللى حصل فى اول ثورة يناير لما حجبوا الفيس بوك وتويتر انت مابتتأثرش بالكلام ده خالص وكل المواقع بتشتغل عندك بصورة طبيعية

رابع حاجة ودى مهمة لناس كتير ان نقل البيانات بتاعتك والتصفح بتاعك بيبقى مشفر يعنى مش ممكن اى حد يعرف انت بتعمل ايه فمثلا لو انت فى مكان فيه واى فاى مفتوح تقدر تستخدم الفيزا كارد بتاعك وتشترى من على النت وانت مطمئن تماما ان مافيش حد ممكن يعرف انت بتعمل ايه

3- طيب وهل ممكن الفى بى ان يخلى سرعتى اعلى من السرعة اللى واخدها من مزود الخدمة ؟
=============================================

الكلام ده لغاية دلوقتى مش ممكن فى مصر

4- طيب هل فيه انواع من خدمة ال VPN ؟
========================
ايوه فيه بروتوكولات كتير لخدمة ال VPN منها مثلا:
PPTP
OpenVPN
IPSEC

لكن كل اللى يهمنا هو بروتوكول PPTP لانه بيشتغل على اى نظام (Windows, Linux, Android, FreeBSD) تشغيل بدون مايحتاج لبرنامج خاص

5- طيب ممكن فكرة بسيطة عن كيفية عمل ال VPN ؟
==============================
ببساطة وانت فاتح النت وبتعمل شات وبتتكلم مع اصحابك بالصوت والفيديو وبتعمل تصفح للانترنت كل وظيفة من الوظايف اللى بتعملها بيبقى ليها بورت شغالة عليه يعنى علشان نتخيل الموضوع كأن كابل النت بتاعك ماسورة ضخمة وكل خدمة او وظيفة انت بتعملها على النت بتبقى ليها ماسورة صغيرة منفصلة داخل الماسورة الكبيرة يعنى المتصفح له ماسورة صغيرة لوحده بينقل عليها الداتا بتاعته وخدمة السكايب ليها 3 مواسير على الاقل ماسورة لنقل المحادثة الكتابية وماسورة لنقل الصوت وماسورة لنقل الصورة كل ماسورة من دول بنسميها بورت PORT

6- طيب والاتصال بالانترنت يتحمل كام بورت PORT ؟
=============================
سعة الاتصال 65535 بورت
ومن البورتات المشهورة بورت 80 لتصفح ال HTTP وبورت 443 لتصفح ال HTTPS

7- طيب مافهمتش ال VPN بيشتغل ازاى ؟
=========================
الفى بى ان بيعمل حاجة اسمها PORT Tunneling يعنى بياخد كل الطلبات بتاعتك التصفح والسكايب والفيبر وكل حاجة وبينقلها للسيرفر على بورت خاص لل VPN وغالبا بيبقى بورت 443 ويرجع السيرفر ينفذ الطلبات دى ويرجعها لجهازك على نفس البورت ده ترجع خدمة ال VPN على جهازك ترجع الطلبات دى للبورتات الاصلية بتاعتها وتديها للبرامج المفتوحة على جهازك

8- طيب وهل ممكن اغير البورت ده اللى هو 443 ؟
============================
ايوه ممكن تغير البورت من على السيرفر اللى اتفقنا انه مثلا فى المانيا بس اهم حاجة انك تختار بورت لايتعارض مع بورت اخر مفتوح وشغال على السيرفر

9- طيب انت قلت ان سبب بطء الخدمة من المزود سببين منهم ان السرعة اللى واصلة للسنترال شير لليوزرات 
كلها هل لو فيه overselling يعنى مزود الخدمة حاطط على السنترال عدد يوزرات اكبر من السرعة المتاحة للسنترال يعنى مثلا السنترال واصله سرعة تكفى 100 يوزر كل واحد منهم 1 ميجا ومزود الخدمة موصل عليها 150 يوزر هل ال VPN ينفع يزودلى السرعة عن باقى الناس ؟
================================================

لا طالما ان الخدمة واصلة ليك بطيئة بسبب overselling حتتحسن شوية بعد ال VPN لكن مش حتديلك كفائة كويسة

===============================================

وبالنسبة لتشفير البيانات ال VPN بيستخدم حاجة اسمها SSL Secure Soket Layer ودى بتبقى ب Encryption 128 BIT او 256bit وكلمة انكريبشن بالعربى يعنى تشفير

وعلى سبيل المثال خدمة ال OpenVPN بتستخدم اسلوب تشفير اسمه Open SSL ونخلى دايما بالنا لما نلاقى كلمة OPEN معناها غالبا وبنسبة 90% ان البرنامج ده او الخدمة دى خاضعة لاتفاقية التراخيص مفتوحة المصدر زى اللينكس وبالتالى ال OpenVPN وال OPEN SSL دول مفتوحين المصدر لاى مطور يحب يشوف السورس كود

طيب دولقتى نشوف الفكرة ننفذها ازاى فى التوصيل؟..يعنى ازاى اوصل الروتر والاكسس اللى به الفى بى ان؟.

شاهد الفيديو يوضح الفكرة كاملة..


طيب محتاج الدرس التانى اللى هايبقى فيه طريقة البرمجة داخل الاكسس بوينت؟..

شاهد الفيديو يشرح الفكرة بالكامل..


طيب دلوقتى عاوز انفذ الطريقة دى محتاج يوزر فى بى ان؟..

فيه مواقع كتير جدا بتعطى فى بى ان مجانى ولكنه بطىء جدا..

وفيه مواقع كتيرة جدا تعطى فى بى ان احترافى انليمتد سريع جدا ولكنه غالى يبدء من 8 دولار لليوزر او الايبى؟..

لكن اللى اخر الشرح بتاعى انى اتفقت مع شركة محترمة جدا فى المانيا وانجلترا تعطى اليوزر ب 30 جنيه مصرى فقط لاغير

يعنى كل اكسس يحتاج الى يوزر واحد فقط انليمتد وبسعر 30 جنيه مصرى فقط..

للحصول على يوزر فى بى ان انليمتد مفتوح بسعر 30 جنيه مصرى..

اما الاتصال هاتفيا وتحويل المبلغ رصيد فودافون كاش وارقام الهاتف للاتصال فقط 01009661565 او 01223043008

او المراسلة على الايميل الخاص بى shadysoftdomiat@gmail.com

اى مشكلة تقابلك او استفسار ضعه بتعليق على المدونة لحل مشكلتك فورا..




  1. انا عندى دمج ايه المطلوب لعمل الفى بى ان

    ردحذف
    الردود
    1. عندك كام خط؟..
      عامة كل خط بروتر ببرمجه عادى وبدخله فى وان الاكسيس..
      يبقى كل خط باكسس بوينت + يوزر فى بى ان

      حذف
    2. شادي لو سمحت اشتي تشييك على الشبكه حقي في اليمن عبر التحكم على بعد هذا رقمي 00967777055370 اعمل رنه وانا ادق عليك ونتكلم في الموظوع

      حذف
  2. استاذ شادي انا عندي رواتر tp link تنفع عادي ولا ايه

    ردحذف
  3. هو اشتراك vpn شهرى ولا مره واحده بس

    ردحذف
  4. ياشادي باشا تلفوناتك كلها مقفوله كان عندي سوئالين بعد ازنك وارجو الرد
    1-مش ممكن اشغلو على الميكرو تكك على طول زي الشرح بتاعك ولا لازم اكسس
    2-هل كده حل موضوع الكوتة بتاعت الشركة يعني مينقص منها حاجا
    ارجو الرد

    ردحذف
  5. السلام عليكم يا استاد شادى انا عندى شبكة صغيرة الموضوع ينفع معاية هو يشتغل على خط كام2ميجا ماشى الحال هل يحاج خط فرية ولا عادى محدد وازاى اوصل الشبكة علية اخد من اى مخرج على السوتش زى الكمبيوتر الخاص بية ولا النظام اية وشكر

    ردحذف
  6. تمام يعني تحويل فودافون كاش اليوزر 30 ج

    ردحذف
  7. طيب انا عايز 5 يوزرات والفكرة لو تسمح ممكن

    ردحذف
  8. ا/ شادي
    ازاي حضرتك الاول ويارب تكون بخير ونستفتد من خبراتك علي طول
    ممكن اعرف هل طريقه الفي بي ان هي مفس الطريقه لكسر باقه ٨ ميجا طلقه يعني فتح الباقه المحدوده لسرعه ٨ ميجا طلقه. ممكن الرد يازوق
    اخوك خالد من اسكندريه

    ردحذف
  9. انا نفسى حد يرد على التليفونات بس

    ردحذف
  10. انا خطى يشيل 24 ميجا بس انا مشغله 16 بس مش بيجيب ال 16 خالص
    بالنهار وبليل متاخر بيجيب 14 ميجا لاكن ف الزحمه بليل اخره 4 ميجا ايه الحل بقى

    ردحذف
  11. السلام عليكم
    ازيك يا استاذ شادى
    انا من دمياط على فكره :)
    كنت عاوز اعرف اخبار البنج على www.yahoo.com
    عامل ايه على الاشتراك بتاع المانيا و على بتاع لندن
    عشان لو الدنيا تمام فى البنج و ثابت هاخد يوزر منك ان شاء الله
    و كنت عاوز اعرف سعر الاكسس التوتو لينك بكام برضوا
    فى انتظار ردك للاهميه
    شكرا
    تحياتى.

    ردحذف
  12. قمت بالاتصال علشان اشترك فى vpn واشتر اكسيس الشاب الى كلمنى قلى معاك المحل بس مش عارف هوا ماله مش فهمنى ولا انا الى مش فاهم ببيقولى مفيش الموضوع ده واقلى اتنتى شفته فين .

    ردحذف
  13. اخي الكريم الجزء المتعلق ب فتح البورتات او الاتصالات ممكن وهذا صحيح
    ويمكن العمل على ذالك باستخدام الروتر الذي اشرت اليه
    او عن طريق الميكروتك نفسة تحط فيه اعدادت VPN ويمشي معاك


    لكن الجزء المتعلق بزيادة السرعة عليها ملاحظة
    ادا كان السنترال موزع لك ترافك قليل او سرعة قليله وعليه حمل زائد بسبب overselling
    لن تحصل على اي زياده بالسرعة وحتي لو لم يكون هناك مشكله overselling في السنترال لن تحصل الا على السرعه الممنوحة لك من مزود الخدمة الذي اشتركت منة

    لان فاقد الشي لا يعطية

    ادا كانت سرعتك 2 ميجا مثلا ومافيش overselling من وين بيديك زياده بالسرعة وانت مشترك 2 ميجا فقط
    من وين الزيادة
    ارجوا ان تكون وضحت الفكرة

    فتح بورتات الاتصالات نعم ممكن
    نفس فكرة ان تحمل برنامج هوتسبوت شيلد وبيفتح لك وبتكون كانك متصل من بلد اخر على حسب البرنامج من اي سرفر وصلك به
    مع الفارق هنا ان الروتر الذي شرحته مش محتاج ان تعمل اي برنامج في جوالك مثلا لا الروتر داخلة نفس فكرة الهوتسبوت شيلد



    اما الزياده في السرعة مستحيل بديدك منين زيادة

    ردحذف
  14. السلام عليكم
    سعر ال TOTOLINK كام ؟
    هل VPN user موجود اشترية؟

    ردحذف
  15. طيب انا دمج بردج ينفع عمل القكره دى

    ردحذف
  16. ممكن طريقة الدفع ازاي استاذ شادي

    ردحذف
  17. ممكن شرح دمج شبكتين او راوترين مختلفين مع بعض يابشمهندس مع توضيح التغيرات اللى هتحصل ؟

    ردحذف
  18. انا استخدمت vpn الشبكة الافتراضية الموجودة في كل حاسوب ثم حذفتها من بعدها اصبح النت بطء جدا

    ردحذف
  19. السلام عليكم اخ شادي انا من سوريا وعندي شبكة على اد حالي ومركب راونر دلينك وواخذ منو على المايكروتك ومش مديني سرعة يعني باليل سرعة بتفتح معايا بسب النهار ميتة خالص ينفع الحكي دة معايا يعني اذا اشتغلنا الكلام الي انت ذاكرو

    ردحذف
  20. يعني اذا استخدمت نظام vbn تتحسن السرعة معايا ويديني سرعة كويسة على شان تخدم الزبائن وانا تعبان كثير من هل الموضوع دة افيدنا جزاك الله خيرا عنا وعنك

    ردحذف
  21. يا استاذ شادى انا كنت عايز اشترى البروكسى ممكن انت تجيبة وانا هدفعلك الى تقولة بس يا ريت ترد عليا انا محتاجه بجد.

    ردحذف
  22. يا استاذ شادى انا كنت عايز اشترى البروكسى ممكن انت تجيبة وانا هدفعلك الى تقولة بس يا ريت ترد عليا انا محتاجه بجد.

    ردحذف
  23. عندي نفس المشكلة وما في حد بيرد لية طلما مش قد المعلومة بلاش تنشرها

    ردحذف
  24. استازي شادي ازاي بورت عندي
    دونلود هيرفع اكتر من 2م ارجو الرد

    :
    2048 511 kbps

    ردحذف
  25. يعني لو بورت 2م هيرفع 4م مستحيل

    ردحذف
  26. امال شركة اوبر وكريم يستخدموه نظام ايه من vpn

    ردحذف
  27. شادي باشا الحوار ده كله يكلفني كام

    ردحذف
  28. استاذ شادى انا محتاج يوزار vpn ممكن لو سمحت ده رقمى 01023129394

    ردحذف
  29. لو سمحت انا عندى التصفح بطئ جدا واليتيوب شغال طلقه وادخل اقيس سرعه النت الاقيها بالكيلو

    ردحذف
    الردود
    1. عندي نفس المشكله في السرفر ياريت يكون في حال للمشكل دي

      حذف
  30. يااستاذ شادلى عندى النت ضعيفه فى مكالمه الاميل والمنسجر بس

    ردحذف
  31. استاذ شادي عاوز يوزر VPN كام التكلفة وطرق الدفع

    ردحذف
  32. اسمح لي ناس كتير بتقول اشتغاله خلي بالك انا معرفتي بيك عن طريق فيديوهات ليلة القدر فاعذرني في السؤال

    ردحذف
  33. لما سويت في بي ان انقطع النت ايش سبب الانقطاع اذا وقفته اشتغل النت

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...