ليه جهاز الاكسس بوينت بيقع سوفت؟ Access Point should fall software




كل الشكر للمهندس الشاذلى دكتور تى بى لينك وللمهندس حازم صاحب الفضل بالمقالة دى

السلام عليكم ورحمة الله وبركاته
البوست دا بخصوص الأكسسات 701 , 740 , 741 , 743 , 730re
أغلب الناس اللى شغالة ويرلس بتستعملهم فى الإستقبال سواء بالسوفت الأصلى أو بتحويلهم لسوفتات تانية زى الdd-wrt (السوفت المطور) وهنا بتظهر مشكلة عند بعض الناس سواء لخطأ منهم أو عدم توافقية سوفت التحويل مع السوفت الحالى للجهازوهى إن الجهاز يوقع السوفت !!!!!!

أولا وقبل ما نتبدى فى الموضوع لازم أوجه التحية للأخ العزيز شاذلى Shazly Dr-tplink صاحب السبق فى أمور سوفتات التحويل والسوفتات بصفة عامة ولازم كل واحد شغال ويرلس يشكر الراجل ده .

نبدأ بقى فى الموضوع

ليه السوفت بيقع ؟
وإزاى نتغلب على المشكلة دى ؟

ليه السوفت بيقع ؟ (اللى مش عايز يشغل باله يروح عالحل وميقراش الجزء ده )
علشان تعرف ليه السوفت بيقع لازم تعرف إيه الفرق بين السوفت البوت والسوفت منزوع البوت
السوفت البوت بيكون جزئين جزء إسمه بوت لودر جزء تانى دا السوفت
اما السوفت منزوع البوت فدا جزء واحد فقط ومفيش بوت لودر خالص
** البوت لودر ده زى البيوس بتاع الكمبيوتر بيظبط إعدادت الجهاز علشان يبقى متوافق مع السوفت وير (ببساطة)
معلومة* أغلب السوفتات الأصلية من موقع تى بى لنك تكون بوت !
*أغلب سوفتات التحويل الموجودة منزوعة البوت
* السوفت البوت مساحته بتكون (4,063,744 bytes)
* السوفت منزوع البوت مساحته (3,932,160 bytes)
- الشركة لما بتنزل السوفت بوت علشان تبقى متأكدة إن السوفت وير متوافق مع البوت لوردر.

اللى بيحصل فى حالة التحويل بسوفت منزوع البوت إن الجهاز هيستخدم البوت لودر اللى كان موجود مع السوفت الأصلى ولما نرفع السوفت منزوع البوت ممكن ميكنش متوافق مع البوت لودر اللى موجود وساعتها الجهاز مش هيحمل ومش هتلاقى غير لمبة البور فقط اللى منورة !!

- سبب تانى لوقوع السوفت وهو إن السوفت ميكملش (الكهربة تقطع مثلا)
لكن البوت لودر فى أغلب الأحيان بيفضل سليم (مهة )

إزاى نتغلب على مشكلة وقوع السوفت ؟!(قول يا راجل زهقتنا)

زى ما قلنا إن حتى لو الجهاز وقع سوفت البوت لودر بيفضل سليم فى اغلب الأحوال ودا هيبقى الحل
هنستبدل البوت لودر الأصلى ببوت لودر معدل يحتوى على خاصية الريكفر (زى أجهزة ubnt)
لو الجهاز ضرب منك سوفت اضغط علة زرار الريسيت وادخل عالمتصفح ارفع السوفت وجهازك هيرجع يشتغل تانى
‏‎

أظن كدا محدش هييجى يقول الجهاز وقع سوفت

مميزات البوت لودر الجديد واللى هنتكلم عنها بالتفصيل لما ننزل السوفتات الجديدة بيه
-خاصية الريكفرى فى حال وقوع السوفت (عن طريق المتصفح )
-امكانية تغيير الماك الأصلى (تغيير دائم مش بيتغير بالريسيت )
-رفع سرعة البروسيسور (كسر سرعة الجهاز )
-دعم تعديل الهاردوير (ممكن تركب رامة أكبر وفلاشة أكبر لو حابب )

الموضوع لسه فيه تفاصيل كتير هنناقشها لو لقينا تفاعل من الناس
ياريت أى حد عند رأى أو إستفسار يقوله

للعلم أول سوفتات هتنزل بالبوت لودر الجديد هتبقى خاصة بالأكسس 741 v5 لأنه الأكثر إنتشار وهنزل سوفتات باقى الأجهزة تباعا

للانضمام للجروب ومناقشة الامور التقنية تفضلوا الرابط

الملفات المرفقة

اترك رد ليكتمل التحميل من فضلك سيرفر ميكروتيك العرب

الجروب هنا , عدد مرات التحميل :
ليه جهاز الاكسس بوينت بيقع سوفت؟ Access Point should fall software


  1. مشكوررررررررررررررررر شادى باشا

    ردحذف
  2. سلام عليكم
    انا عندي مشكلة بالراوتر بورد عم يطالعلي بالlog خطأ
    " excessive broadcast multicasts brobably sloop" ترجمة الخطا البث المتعدد الافراط في البث ربما حلقة "
    ارجو الرد والمساعدة

    ردحذف
  3. لما يكون السوفت واقع هخش ع الاكسيس من المتصفح ازاي

    ردحذف
  4. اكسس 701 v2 كل ما اشيل الادبتر بتاعة من الكهرباء واركبة تانى لمبة الباور بس التى تضيىء
    اسيبة يومين تلاتة اجرب يشتغل ولو شلت الباور تارنى يرجع تاني زى ما كان فما الحل
    اكسس اخر 740 v5 اعطيطة سوفت المطور قطع ارسال واستقبال مبيحسش بالشبكات مش عارف ارجعة تاني لأصلة وهو الان على سوفت 743 v2
    ارجو ارجاعة لأصلة

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...