حل مشكلة شبكات الانترنت الغير رسمية فى مصر.. حل رسمى للعمل فى مصر



اهلا بيكم ياشباب

فى الفترة الاخيرة وبالتحديد الشهرين اللى فاتوا

موضوع محاربة شبكات الانترنت الغير شرعية فى مصر انتشر بشكل كبير جدا وملحوظ

كل وسائل الاعلام اتكلمت فيه وبدء يتنشر على الصحف والتلفزيون بشكل كبير جدا جدا جدا

طيب هانحط حلول سهلة باذن الله لكل المتضررين

ولغير المتضررين قبل مايحصل لاقدر الله اى حاجة

كله عارف ان ده مصدر دخل لشباب كتير اوى البلد مقدمتش ليهم اى فرصة عمل او مصدر دخل

وعلى فكرة خريجين كليات قمة وكليات محترمة جدا

لان الهدف كان فى بداية الموضوع هواية وليس تجارة

لكن للاسف تم التحول الفجائى خلال اخر سنتين

اصبحت تجارة مربحة جدا لتجار الاجهزة

والبلطجية اللى بيطلعوا ياخدوا مكان ويقولك بتاعى هاوزع فيه

واللى مش فاهمين فى اى حاجة ولا حتى فى تشغيل الكمبيوتر

عامة حال الشبكات مثل حال اى شغل جديد بينجح وكله يدخل فيه يبوظه

عاوز اوضح نقط معينة قبل الحديث عن الحلول

(1) مافيش مباحث اتصالات تيجى لك قبل اخطار من السنترال

يعنى كل اللى شوفتوه فى الفيديوهات من هجوم الشرطة على الابراج وفكها

لازم يكون جالك اخطار من سنترالك وبتمضى بعدم توزيع خط الانترنت بتاعك

(2)اخطار السنترال سببه انك جايب اكتر من 2 خط باسمك واكيد بتبقى باينة اوى

يعنى انت لو عاوز تقولهم تعالوا لى هات اكتر من 2 خط باسمك

اكيد من الواضح ان واحد جايب مثلا 4 خطوط باسمه بيعمل بيهم ايه؟..

يعنى معقول يكون مكالمته فيها 4 اجزاء على كل رقم؟..بالعقل يعنى

(3)الاجهزة اللاسلكية اعلى من 17 ديبى ممنوع مرورها من المطار

بقانون الاتصالات يمنع مرور الاجهزة دى من المطار

علشان كده الجهاز تمنه فى الحقيقة 400 جنيه وانت بتشتريه ب 850 جنيه

زى اى منتج تهريب بيدفع اجرة مشوار ورشاوى بالهبل وطبعا مكسب التاجر

(4)اخر حديث لرئيس جمهورية مصر العربية (السيسى)

فى الحديث ده وجه باوامر عليا ضرورة التحكم فى الانترنت ومايحدث فيه

على فكرة ياشباب فعلا بقى اخطر حاجة دلوقتى هو الانترنت ووسائل التواصل الاجتماعى

مش هاتسمعوا عن جواسيس تانى لان اميركا والدول الصهيونية نجحت فى ترويج وسائل التواصل

فاصبحت انت وهو وهى وكلنا بنعرف كل الدول دى توجهاتنا وافكارنا وحياتنا بالكامل من اول مابتصحى

لحد ماتنام بتعرفهم مناطق الضعف واسماء الظباط وتواجدهم وتسليحهم وافكارك انت شخصيا

نجحوا فى خلق جو تخيلى انت عايش فيه طول اليوم

مبتتصلش على اصحابك وبمبتقعدش مع اهلك كل بالفيس وتويتر وواتس اب

لكن اللى يهم الدولة الان هو الامن العام وهو اللى هايحصل علشانه كتير جدا جدا الفترة القادمة

(5)مستحيل مهنتنا تبقى رسمية فى يوم من الايام

ايوه مستحيل وهاقولك ليه....

دلوقتى حتى لو انت غلبان وعامل شبكة 6 افراد فقط..فال 6 افراد دول كلهم هويتهم هى الايبى بتاع روترك

يعنى كل تحركاتكم على الانترنت شخص واحد

يعنى لو حد منهم عمل مصيبة او عمل اثارة للشرطة هاتبقوا انتم فرد واحد

والى هايتأذى صاحب الروتر اللى جه باسمه الخط

علشان كده شركة الانترنت عملها رسمى ومرخص

هى بتدى 1 ايبى معروف لك يعنى كأنه هويتك او بطاقتك لوحدك

لكن انت هاتخلى ال 6 هويتهم واحدة وده امن دولة وش...

المهنة لو ينفع تبقى رسمية كنت اول واحد دخلت التليفزيون وطلبت مقابلة وزير الاتصالات

وكنت هاخد معايا شباب ونشرح له الوضع

بعد مافهمت وقريت وعرفت سياسة الدولة والقوانين كان لازم نوضح نقطة هامة جدا

عمرنا ماهنرخص ولا عمرنا هانقدر نبقى شبكات انترنت مستقلة بخط ولا اتنين ولا حتى 10

طب والحل.....

الحل اللى طبقته انا شخصيا ..اكلت السوق قبل ماياكلنى...

ازاى افهمك اانا

دلوقتى شركات الانترنت رسمية ومرخصة ..صح؟؟

طيب انا عامل شبكة 30 فرد....

جايب 3 خطوط انترنت 4 ميجا ب 900 جنيه

بحصل من كل فرد 25 جنيه يعنى دخل الشبكة 750 جنيه

طب خلينى حتى بحصل 1500 جنيه

بشترى روترات + سلوك انترنت + اعطال + جهد

هاتلاقى ان شبكة الانترنت لوحدها خسرانة

طب ياسيدى معاك كسبانة وبتكسب 1000 جنيه زيادة

انت معرض لخراب الشبكة ودفع غرامة لاتقل عن 10000 جنيه لو حصل لاقدر الله حاجة من الشرطة

طيب المكسب الحقيقى فين؟..

المكسب الحقيقى فى اكسسوار اجهزة الكمبيوتر لاغنى عنها (كيبورد-ماوس -بادة-سماعة-بلوتوث)

كل حاجة من دى اقل مكسب فيها 5 جنيه وممكن تجيب حاجات اعلى وانضف

المكسب الحقيقى فى نسخة الويندوز اللى لازم تتغير مرة كل شهر ودى تمنها من 15 جنيه الى 25 جنيه

دى بالذات فلوس صافية لك بدون اى مشاكل ولا عليك بره لحد كلها داخلة جيبك

المكسب الحقيقى فى اجهزة الموبايل الاندرويد وغيره المنتشرة واللاب والتاب

تعالو نحسب لو كل واحد من العملاء دول نزل نسخة + اشترى كى بورد

يبقى على الاقل تطلع منه ب 20 جنيه الشهر

طيب اكسب ازاى برضه؟..

هاتبقى انت وكيل شركة الانترنت فى منطقتك وهاتشتغل شرعى

يعنى هاتجيب له خط انترنت وتتعاقد له وتركبه وتمسك له صيانته وبرمجته

هاتجيب له اكسس بوينت جوه البيت وتكسب فى الاكسس حتى 5 جنيه و 10 جنيه برمجة

هاتدفع له فاتورة النت بتاعته وتاخد كوميشن على الاقل 10% يعنى لو جايب خط ب 90 جنيه

هتاخد 10 جنيه منه يبقى انت كده وصلت لاكتر من 40 جنيه من العميل

طب هاقولك على حاجة؟..

كل 2 هاتلهم خط انترنت شرعى وضاعف مكسبك منهم وانت شغال رسمى وشرعى لدى شركة الانترنت

طيب ايه رايك فى المكسب الصافى ده ومعليكش لحد حاجة وشغال شرعى؟..

اعمل محلك مكتب

اعمل سجل تجارى وبطاقة ضريبية مش هاتتكلف 400 جنيه على بعض

اعمل الشجل خدمات كمبيوتر

اشترى نسخة ويندوز اصلية وعلقها فى المحل ب 600 جنيه

انت كده رسمى مليار ال 100

المحل ده هانكتب عليه توكيل شركات الانترنت (تى داتا -فودافون-اتصالات-لينك)

انت مش هاتبقى وكيل رسمى لان الشركات مبترضاش

انت هاتبقى وكيل تحتى لان معايا بورتالات الشركات كل اللى عليك هاتقدم وخلال ايام العميل يستلم

فيه حساب بريدى ذهبى بيتم توريد اشتراكاتك فيه

وطبعا بيتخصم الكوميشن بتاعك

طيب حتى لو العميل عاوز يجيب من السنترال مباشر

مافيش مشكلة

العميل ده بطيخة لا هايعرف يبرمج ولا يركب ولا يعمل سبليتر ولا غيره

روح معاه خد مشوارك حتى لو 10 جنيه واستلم وركب له وخلي كل صيانته معاك

طبعا زيارتك وصيانتك وبرمجتك كل ده بفلوس

واهم حاجة لو عنده عطل من الشركة مالكش فيه

صدقونى ياشباب انا نفسى بدأت اشتغل على كده

وخلى شركات الانترنت بقى تسد فى هجوم الناس الشرعيين على الاستخدام العادل

وانت كده كده كسبان وافضل من الاول كتيييييييييييير

لان والله لو حسبتها الجرى وحرقة الدم وخسارة الاجهزة هاتلاقيك خسران مش ربحان

بس لازم تركز على الصيانة وتجميع الاجهزة والاكسسوار

بالنسبة لاجهزة الوايرليس بقى..

الشركات محاتجة جدا تغطية الكاميرات ونقل الانترنت والربط

وده هايبقى فيه ربح كبير جدا حاول تتعرف على الشركات دجى وتقدم خدماتك وخبراتك

فى ربط فروعها وتركيب الكاميرات وشركتنا معاك هتساعدك

هتبعت لك فنين معاينة وتركيب وطبعا لك كوميشن كويس جدا فى المشاريع دى

يعنى هابعت لك الاجهزة وفنى التركيب وهاتبقى انت القائد ولك الكوميشن بتاعك كمان

تبقى حاجة مهمة

انك بتواجدك على الانترنت تقدر تعمل لك دخل كويس جدا

عن طريق مدونة تكنولوجية او ترفيهية

شوف انت بتحب مجال ايه وتقدر تبدع فى ايه

هاتعمل منصة تدوين مجانية متكلفكش ولا جنيه

هاتشترك فى جوجل ادسنس

هاتتعب شوية اول 3 شهور

بعد كده هايطلع لك على الاقل 150 دولار ولا حتى 100 دولار بيعنى

كانه راتب لك وكانك بقيت موظف لك دخل ثابت من الانترنت

ودى هاركز فيها جدا اخليك خبير جدا فيها من الالف للياء

دى تصوراتى للوضع الحالى

اللى هايكمل معانا هو اللى هايقدر يوجد لنفسه فرصة عمل بجد

اللى مش هايقدر هو ده اللى داخل فاكر ان الدنيا كلها مكسب وهو اللى وقعنا فى الاساس

وبعون الله تعالى نعلن عن توافر التقديم الشرعى لكل شركات الانترنت

تى داتا - اتصالات - فودافون - لينك

والاشتراك من خلالى علشان الكوميشن يتقسم بينى وبينك وعلى فكرة

كل مانا زودت عدد مشتركين وانت زودت كل ماكان الكوميشن عالى والدخل كويس

وانا نفسى هاركز الان فى الصيانة والتجميع والاكسسوار والشروحات الاعلى

منتظر رايكم وافكاركم وانا معاكم بكل اللى هاتقولوه

يتبقى نقطة الناس اللى هاتقولك فيه ناس معندهاش اصلا خطوط ارضى علشان اجيب لهم

دول اللى هانعمل عليهم شبكة صغيرة على قدنا

بس هاتبقى عبارة عن انك تجيب مكان يبقى فيه خطوط انترنت

تاخد العميل ده ويروح يقدم على خط انترنت باسمه

تستلم الخدمة وتنقلها له بجهاز M5 روتر خاص لوحده

لو لقيت السنترال حاول يعمل معاك حاجة

خد العميل واطلع على اقرب قسم قدم بلاغ

وخلى العميل يتصل بالجهاز القومى للاتصالات 

يبلغهم انه مش قادر يوصل انترنت

لعدم توافر خطوط انترنت عنده




كتروا البلاغات دى علشان الدولة تتدخل

ساعتها هاسيسيبوك تشتغل ب M5

علشان تسد العجز ده

وانا اهو وانتو اهو ولو كان لى عمر هافكركم بالموضوع ده

صفحة المراسلة سيتم الرد خلال فترة اقصاها 24 ساعة


المراسلة
 
ارقامى معاكم لتنسيق المشروعات والتقديم

01009661565

01223043008



  1. بصراحة عين العقل

    ردحذف
    الردود
    1. الحمد لله واى افكار انا منتظرها

      حذف
  2. q= أنت راجل عسليه يا شادي باشا وفكرتك فل أوي وربنا يحبب فيك خلقه تسلم يا كبير

    ردحذف
    الردود
    1. تسلم لى يارب وربنا يسهل ونعمم الموضوع ونشتغل كويس

      حذف
  3. للاسف رغم انك بتحاول تخلق سوق جديده لكن مقرأتش الوضع كويس اولا مين قال انو هيتسمحلك تقول انك مكتب رسمي وانت مش رسمي وهما ماشاء الله عندهم وكلاء ف كل حته يعني هتتاكل .ثانيا قطع الغيار فكره حلوه لكن العميل مش هايغير كل شهر حاجه فمتعتمدش ع مكسبها قوي اما نسخة الويندز اغلب الناس بيسطبها دلوقت وانت بتتكلم ف ناس مقضياها ع النت يعني مش هايغلبوا اخيرا ناس مين الي بطيخه بعيدا عن ان اللفظ مش تمام الاانك موهوم دلوقت كله بقي متعود انو يركب ويفهم عشان ميدفعش وكومشن ع الخط شهريا انسي مع تطبيق نظام الفيزا والدفع بفوري للاسف انت قرأت السوق غلط

    ردحذف
    الردود
    1. (1) هايتسمح لك عادى جدا لانك من تحت موزع ياكبير وانت تحت وكيل
      (2)لالالالا مش معاك ان العميل مبيغيرش كى بورد وماوس وبادة وسماعات وفانة وغيره وغيره مستحيل
      (3)مش كل الناس تعرف تسطب نسخ الويندوز ولو افترضنا ان معاك 50 منهم 10 بيسطبوا استفاد من الباقى والبرامج معضلة لكتير والتعريفات
      (4)مسن اللى هايركب؟؟العميل اللى انا موصل له مبيعرفش يعنى ايه تاريج سلك ولا برمجة رورت ياكبير راجع نفسك
      (5)فيزا وفورى انت طيب اوى كام واحد يعرف يعمل كده؟؟
      شرفنى مرورك ورديت على اسالتك ومنتظر افاكارك

      حذف
    2. إسمع لأحكيلك...
      أول شي صباح الخير...
      تاني شي ... أنا من الأردن... ولاشغل هاد اللي بتحكي عنه ممنوع عنا من زمان,
      بس بالنسبة للشغل اللي بتحكي عنه ما بيأكل خبز حاف, شو اللي 5 و 10 جنيه, شو بدهم يسوا هدول, وبعدين كل متى راح تبيع كيبورد ولا ماوس ولا سماعة, وحتحط مربح عليهم كام, والشركات الكبيرة اللي بتوكل الناس الصغيرة وتبيع المستهلك بنفس سعر التاجر,........ أنا كنت شغلا الشغل هاد وبطلته لأنه ما كان بكفي يعيشني, هاد الحكي من قبل التابلت والموبايل... فكيف اليوم بعد التابلت والموبايل اللي عوض ناس كتير عن الكمبيوتر.
      أما بالنسبة للشغل بالتابلت والموبايل فهو كمان ما راح ينفع مع الناس الصغار, لأنه الحيتان هتكلك, وحت صيانة الموبايل إنت عارف إنه الموبايل دي الوقت بتعمله سوفت وير جديد بكبسة زر....
      فـــــ الله يرضى عليك فكرلنا بحاجة تانية تنفعنا وتنفعك وتنفع خلق الله.....
      وشكراً ... مع كل الإحترام والتقدير

      حذف
  4. انا عندى خطوط هوائى فى حل لتشغيل الانترنت

    ردحذف
    الردود
    1. لا طبعا مالهاش اى حل ياكبير حتى من شركة الاتصالات نفسها لازم متبقاش اونو لازم يدخلك فايبر

      حذف
    2. الشركة المصرية اعلنت انك ممكن تركب عليها نت بسرعة 128 ك اقصي سرعة وهتدفع 160 اول مرة فقط شاملة جميع الاجهزة
      وسعر الاشتراك 60 جنية

      حذف
  5. ومين من المشتركين مستعد يدفع لخط ارضى 40 جنيه كل 3 شهور و90 جنيه اشتراك شهرى ياعم شادى

    ردحذف
    الردود
    1. لأما الشركات تضيق الخناق يبقى مقدمهمش غير كده..او هات خط 2 ميجا وركبه ل 4 فى عمارة واحدة زى الفل

      حذف
  6. الردود
    1. محدش خايف نهائيا ده اجراء للحفاظ على عملنا ومصدر دخلنا انا مقلتش الشبكات تقف انا بقول تفضل شغالة الى جاب تامين نفسك

      حذف
  7. انا من يوم ما عرفتك وانا بقول عليك انسان محترم .ربنا يزيدك من فضلة. q=

    ردحذف
  8. طيب يعنى ال 200 عميل اللى عندي كده بخ ؟
    وانت شايف ان بكلامك دا هيعوض الخساره ؟
    واجهزه الارسال والاستقبال ارميهم ؟
    ^^^^^^^^^^^ يارب ارحمنا برحمتك

    ردحذف
    الردود
    1. خليك شغال ياكبير احنا مبنقلش اقفل خليك شغال بس اعمل المشروع التانى ده لو لاقدر الله حصل حاجة

      حذف
  9. ربنا يستر على الجميع ... الحمد لله الذى لا يحمد على مكروه سواه

    ردحذف
    الردود
    1. باذن الله مش هاتوصل لحاجة كبيرة بس احنا نعمل اللى علينا

      حذف
  10. معاك فى كل حاجه يا شادى وكلامك كلو صح

    ردحذف
    الردود
    1. تسلم ياعمرو وربنا يسهل يبقى معانا الشبكة والمشروع التانى ده

      حذف
  11. تسلم ايدك والبتوفيق ان شاء الله

    ردحذف
  12. معظم الشركات في مصر بيكون ليها وكلاء وموزعين معتمدين لمنتجاتها أو خدماتها ، ليه ميكونش فيه موزعين أو وكلاء للشركات دي ، بصراحة فكرة جميلة جدا منك يا استاذ شادي ربنا يوفقك واحنا معاك في اي حاجه تعملها لمصلحة الشبكات واصحابها شكرا .

    ردحذف
  13. الموضوع دا كله عشان شادى يجيب موزعين تحته فعلا الى فى داء مش هيبطله

    ردحذف
  14. وانت اصلا شغال مع ياسر عبد الجود شركه جولدن سات

    ردحذف
  15. مطلوب وكلاء ومنافذ بيع انترنت اتصالات
    ــــــــــــــــــــــــــــــــــــــــــــــــــــــــــــ
    1 - عموله شهريه على فواتير العملاء بالكامل .
    2 - حوافز اضافيه عند تحقيق Target المطلوب .
    3 - دعم الموزع بافضل العروض التسويقيه والدعائيه .
    4 - دعم الموزع باليات الاعتماد المطلوبه .
    5 - دعم الموزع بتسهيلات سبل التواصل مع العميل والشركه .
    6 - افضل دعم فنى للعميل والموزع على حد سواء .
    ______________________
    ادخل على موقع الشركه www.smile-adsl.com
    سجل موزع جديد
    الشروط :
    ــــــــــــــ
    لا يوجد شروط سوى الجديه فى تسويق الخدمه.
    يفضل اصحاب الخبره والمحلات التجاريه (سنترال - سايبر - مكتب انترنت - محلات بيع الكمبيوتر - محلات بيع الرسيفر والشيرنج )
    للتواصل :
    ــــــــــــــــــــــ
    تليفون : 0482286690
    موبيل : 01274602004

    ردحذف
  16. عليا النعمة انت كلامك عين العقل فعلا المكسب ف اكسيسوار والويندوز والصيانة بيبقى صافى بجدانت شخصية محترمة

    ردحذف
  17. انا هعمل المشروع بتاعك عندى ف المنصوره انا ف مكان مفيش فى وكيل لشركات النت وكنت بفكر ف الموضوع دا من زمان علشان بجد الواحد قرف من الزباين وكل شويه النت بطيفق لا مثل وتعب اعصاب انت بجد برنس

    ردحذف
    الردود
    1. مطلوب وكلاء ومنافذ بيع انترنت اتصالات
      ــــــــــــــــــــــــــــــــــــــــــــــــــــــــــــ
      1 - عموله شهريه على فواتير العملاء بالكامل .
      2 - حوافز اضافيه عند تحقيق Target المطلوب .
      3 - دعم الموزع بافضل العروض التسويقيه والدعائيه .
      4 - دعم الموزع باليات الاعتماد المطلوبه .
      5 - دعم الموزع بتسهيلات سبل التواصل مع العميل والشركه .
      6 - افضل دعم فنى للعميل والموزع على حد سواء .
      ______________________
      ادخل على موقع الشركه www.smile-adsl.com
      سجل موزع جديد
      الشروط :
      ــــــــــــــ
      لا يوجد شروط سوى الجديه فى تسويق الخدمه.
      يفضل اصحاب الخبره والمحلات التجاريه (سنترال - سايبر - مكتب انترنت - محلات بيع الكمبيوتر - محلات بيع الرسيفر والشيرنج )
      للتواصل :
      ــــــــــــــــــــــ
      تليفون : 0482286690
      موبيل : 01274602004

      حذف
  18. انا غير مقتنع بكلامك
    المفروض انت مهندس شبكات تقولنا ازاى نستمر وسط الظروف السيئة
    فبدلاً من ان تشجعنا على الاستمرار تقودنا نحو الهاوية والتصفية وانا
    غير متفق معك فهذا لم اتعوده منك وانا تم تغيير ارقام التليفونات
    واشتركت مع تى ايه داتا وتم قطع الخدمة نتيجة سوء الاستخدام
    اخر اسبوع من الشهر لكنى ساتدراكها واطور من اسلوبى
    واقلل سرعه التحميل للمشتركين لأنها ببساطة (لقمة العيش)
    بجانب الوظيفة صباحاً

    ردحذف
    الردود
    1. انا عندي الحل كلمني 01004420826 / 01118288551

      حذف
  19. والله الكلام ده الواحد عمله من بدرى تقولش كان قلبى حاسس بس برضه شغل الشبكات عامل زى الادمان

    ردحذف
  20. والله انت عين العقل والكلام اللى انت بتقوله انا شغال فيه بس لسه فى اول السلم وان شاء الله فى خير كتير اللهم اجعل لنا الخير فى كل خطوه

    ردحذف
  21. dongtam
    game mu
    http://nhatroso.net/
    http://nhatroso.com/
    nhạc sàn
    tư vấn luật
    dịch vụ thành lập công ty trọn gói
    công ty luật
    tổng đài tư vấn pháp luật
    thành lập công ty
    http://we-cooking.com/
    chém gió
    trung tâm ngoại ngữdiện bọn họ tới gần mà đến, mà ở kia thủ vị chỗ rõ ràng đó là cùng với có điều ân oán Ngô hạc.

    Tiêu Viêm ánh mắt đảo qua Ngô hạc nhóm người này mã, ở này bên cạnh, hắn không chỉ có gặp được ngày đó từng có gặp mặt một lần Mạnh Hà,, thậm chí còn gặp được bốn vị bước chân vào nửa bước Thất Tinh Đấu Đế giai khác cường giả, như vậy thoạt nhìn, này Ngô hạc bên kia, thế nhưng đó là có sáu vị nửa bước Thất Tinh Đấu Đế giai khác cường giả, này so với Trần Cương bên này, hiển nhiên là cường không chỉ một cái cấp bậc. Nghe thế Ngô hạc thanh âm của, Trần Cương cùng với kia Đường tuyết hai người sắc mặt cũng là hơi hơi trầm xuống bọn họ cùng Ngô hạc trong lúc đó, cũng coi như không thể quá mức hữu hảo huống chi đối phương trong giọng nói, còn có che dấu không được cười nhạo ý. Bất quá tuy nói trong lòng giận dữ, nhưng trở ngại, vướng] cho Ngô hạc kia nhất phương mạnh mẽ đội hình Trần Cương ba người, đổ chính là hừ

    ردحذف
  22. انا عندي حل احسن من كدا بس كلمني علي موبيلي حل واحد 100% رقمي 01004420826 /01118288551

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...