ليبرلاند|عيش وسيبنى اعيش|دعوة للهجرة|بلد 7 كيلو متر|سافر وكن اوروبى الجنسية|اوضتين وصالة|liberland|شروط الهجرة



حتة ارض 7 كيلو متر...مش بتاعة حد..

نزاع بين صربيا وكرواتيا دموى مبيخلصش..وحتة الارض دى مش عارفين بتاعة مين فسابوها

جه واد اسمه  "فيت جيديكا" خدها وضع يد..وقعد فيها غفر بالسلاح

قامت الدولتين اعترفوا له بملكيته للارض..حتة الارض ال 7 كيلو

قام فيت عمل دعوة للناس تيجة تعيش ويبقوا مواطنين فى الدولة ام 7 كيلو دى

قام ايه بقى؟..المصريين ربنا يكرمهم ومايحرمهم ابدا من الرشق فى اى مصلحة بعتوا دعاوى

علشان يخلعوا من البلد هنا ويروحوا يبقوا اجانب بقى وتعدى معاهم؟..

بس لاجل الحظ المصرى هايفضل مصرى..النيل رواه والخير جواه

(1) حتة الارض اللى اسمها ليبرلاند دى معليهاش نت ولا اى خدمات ..

(2) حتة الارض دى 7 كيلو يعنى مش هاتحتاج عربيات ؟..هى جزمة مقاس 42 وعيش ياريس لفها من شرقها لغربها

وطبعا الجزمة هايبقى لها نمرة فى مرور ليبرلاند علشان لو خبطت فى مواطن تانى تتجاب من الجزمة!!!

(3) لو حبيت تعمل ماراثون جرى او اتهروت واشتريت عجلة |بسكلتة| وقلت تدى لنفسك شوية طاقة هاتلاقى نفسك على الحدود

وتاكل رصاصة من الجيش بتاع البلد التانية ويبقى برضه مت برصاص فخليك فى بلدك ..جحا اولى بلحم طوره

(4) حتة الارض ليبرلاند دى 7 كيلو ومن غير شرطة ولا جيش...يعنى لو اتوافق على 4 من شبرا معاك فى نفس ال7 كيلو

جهز بقى لنفسك سطر الجلاليب المقطع اللى هاتملى بيه دولابك لانك هاتتثبت كل يوم وتتقلب

ولا بقى لو اتوافق على شباب زرزارة من بورسعيد او حارة الجبانة او الفشخ عندنا فى دمياط اللهم البلد بقت جهنم الحمرا

(5) خليك هنا دك وكسة توكسك مالكش غير البلد دى..وربنا يرحمنا جميعا

شروط الحصول على المواطنة الليبرلاندية.

1.احترام الآخرين  وأرائهم على اختلاف أصولهم وأعراقهم ودياناتهم.
2.احترام الملكية الخاصة وعدم المساس بها.
3.ألا يكون له تاريخ نازي أو شيوعي أو تبنى في الماضي أي فكر متطرف.
4.لم يعاقب أو يصدر ضده أحكام بشأن جرائم ارتكبها في الماضي.

ومن تتوافر لديه الشروط ويرغب في التقدم للحصول على حق المواطنة والحياة على أرض الجمهورية الجديدة، بإمكانه ملء استمارة الطلب التي ستكون متاحة على الموقع الخاص بالجمهورية الجديدة  في غضون الساعات القليلة المقبلة.

الدول العربية مستثناة من المواطنة في جمهورية ليبرلاند liberland

We are expanding to fill the Danube. Please; Syrian, Kurds, Arabs, Russians and Chinese are not write me. Because we will not accept them

رابط التقديم على الهجرة للبلد للى لسه دماغه لاسعة اتفضل


We are expanding to fill the Danube. Please; Syrian, Kurds, Arabs, Russians and Chinese are not write me. Because we will not accept them


  1. هههههههههههههههههههه
    بسم الله ما شاء الله عندك 1128 واحد حملو الاستماره ولسه هههههههههههههههههههههههه

    ردحذف
  2. الدولة كذبت خبر ان العرب ممنوعين من المواطنة هناك
    علي المنتدي الخاص بها وتقدر تشوف الخبر ده علي المصري اليوم

    ردحذف
  3. هههههههههههههه
    دمك خفيف ومواضيعك مفيدة
    ربنا يجزيك خير

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...