اكتشف سبب ضعف الانترنت العام فى مصر الان...التصفح تقيل جدا..الفيس بوك بطىء..ضعف شديد جدا فى اداء شركات الانترنت



لاحظنا فى الاونة الاخيرة

اســـــــــــــــــــــــــوء انترنت ممكن تشوفه فى حياتك

ده لينك الخبر على الفيس من المصرية للاتصالات

لو عندك خط انترنت طلقة 8 ميجا تى داتا هاتحس انك سلحفاة عندها مليون سنة؟!!

لو عندك خط انترنت 1 ميجا او 512 نص ميجا تى داتا 

هاتحس بشلل رباعى وكساح خماسى؟!!

لو عندك خط انترنت 2 ميجا وقالولك عليه انلمتد تى داتا 

هاتحس انك صومالى الساعة 1 الظهر فى ساحة الشمس؟!!

طب ايه السبب؟!!

السبب يكمن فى سياسة المصرية للاتصالات الجديدة

السياسة عبارة عن ايه انا هاقولك؟..

(1) احلال كل السلوك النحاسية الرئيسية فى اغلب المحافظات 

وتحويلها للفايبر الجديد


طبعا يترتب عليه فصل محطات وكبارى تغذية كتير جدا جدا 

وده بدوره بيدمر الانترنت لدى المستفيدين من الكبارى والمحطات

الاحلال كما ذكرته الشركة بسبب كثرة سرقات الكابلات النحاسية

 وزيادة كفاءة الخدمة ورفع السرعة

بس انا عاوز اقولكم على حاجة..

ادى دقنى اهى لو فلحنا؟!!

ازاى ؟؟ اقولك انا..

دلوقتى كان الحرامى بيقوم يطس وشه بشوية ماية الصبح ساعة الظهرية كده 

ويجيب 3 ولا 4 حبايبه شبهه كده حلاليف وحرامية

 ويصطبحوا على القهوة بكوباية شاى ولبن

ويلمو بعض ويطلعوا قدام الناس كلها يفحروا الارض

 ويسرقوا الكابل النحاس بتاع الخط

وياخدوه يبيعوه بالكيلو للمصانع نحاس خالص...

طبعا بصراحة بشفق عليهم؟...

لانهم ياعينى بيحتاجوا فحارات وساعات كانوا بيجيبوا الجرار بتاع الوحدة بتاعتهم

يساعدهم (بحسابه برضه) بس عملية مرهقة بالنهار فى الشمس 

ادام الناس كلها عينى عينك كده؟..

اه والله مش مصدقين؟..طب والله العظيم حصل فى الاف الاماكن

قامت شركة المصرية للاتصالات قعدت تفكر تفكر تفكر وراحت جايبة سلوك فايبر

يعنى الحرامى مش هايستفاد بيها هى زجاجية من الداخل ولا تفيد فى اى شىء 

بس الناصحة بقى جابت كابينة اسمها م سان MSAN

الكابينة دى بقى والكارثة الكبرى تعمل بكهربا عبارة عن اجهزة توليد

 وبطاريات فى الكابينة اللى فى الشارع

احيـــــــــــــــــــــــــــــــــه غطونى وصوتوا

تعالوا نعقلها كده؟..

الحرامى قام الصبح ملقاش كابل نحاس؟..

الحرامى نايم طول الليل الكهربا مقطوعة كالعادة وعمال يصب عرق؟..

طبعا بعد اول كوباية شاى هايفكر فى البطارية اللى جوه الكابينة

يامصيبتى يانا ياما؟!!!

دى مش محتاجة تعليق منى على اللى هايحصل طبعا

وطبعا لما الباشا الحرامى يسرق البطارية اللى بتعدى 5000 جنيه

على مالشركة ربنا يقومها بالسلامة والورقة بتاع صرف بطارية جديدة

تعدى على مليون موظف يمضى تكون القيامة قامت؟!!

او ظهر المسيخ الدجال...او ياجوج وماجوج ظهروا؟!!!

يعنى الكابل لما بيتسرق بعملوا امر بيقعد 15 يوم امضاءات

 وصرف على 1500 جنيه مثلا

تخيل بقى لما بطارية ب 5000 تتسرق هانقعد اد ايه؟..

بس الحمد لله....ناس فكرت فى حل وقالوا المصرية للاتصالات 

هاتحط حارس على الكابينة

احييييييييييييييييييييييييييييييييه بالهبل

اهو بقى كده رزق الحرامى راح للحارس؟...هههههههههههه..

وطبعا الحارس هايقول كان نايم؟..

والله انا دماغى صدعت

وجالى الضغط...وبجز على اسنانى

سمعتوا مثل جم يكحلوها عموها؟...اهو ده كوافير المصرية للاتصالات

المهم..

بعد تركيب الكباين الجديدة شوف بقى الوكسة

(1) رقمك الارضى يتغير فورا اجبارى ومستحيل ترجع للقديم بتاعك

يعنى لو انت شركة مهمة لها رقم مهم ارضى ....البــــــــــــس علشان خارجين

يعنى لو كنت مشترك فى عرض انترنت وبتوفر....البـــــــــــــــس علشان خارجين 

لانك هتتعاقد من جديد

يعنى لو كان معاك خط نت اتصالات او لينك او فودافون او الجن الازرق....

البس علشان خارجين مش هاتشتغل الا غصبا عنك على 

تى داتا (تاتا تاتا خطى العتبة)

(2) خط الانترنت هايجى لك 2 ميجا فقط انليمتد 

(فى مصر الانليمتد يعنى عليه جيجات) اه والله متفهمش ازاى؟

عامة خط تى داتا الانليمتد الى 2 ميجا عليه 60 جيجا شهريا فقط

غير مسموح لك بخط 4 ميجا لو انت مش فى القاهرة واسكندرية

هايقولولك سنترالك ميستحملش 4 ميجا؟..

طب قولهم كده عاوز 8 ميجا طلقة؟..هايقولولك اه سنترالك يشيل؟..

يامثبت العقل فى النافوخ يارب..مش نافع السنترال 4 بس ينفع 8؟...احيه

الرد الامثل للشركة بالظبط

يافندم ال 4 ميجا ده مبنعرفش ناكل منه عيش..

مبنعرفش نمد ايدنا فى جيبك...لكن ال 8 الطلقة هابيع لك 5 جيجا ب 100 جنيه

هناكل عيش فينو ونجيب بقلاوة نحلى بيها .. 

وكمان نطلع مارينا اخر الاسبوع فى الويك ايند

وكله على قفا اللى خلفــــــــــوك

عارف يعنى ايه 5 جيجا ب 100 جنيه يعنى بالظبط كل 3 ايام

 تدفع 100 جنيه وتجدد الباقة

اه واللــــــــــــــــــه

الفيديو اللى بتشوفه على اليوتيوب لو ربع ساعة فيها 250 ميجا يعنى ربع جيجا

يعنى لو اتفرجت على 4 فيديو مدتهم ساعة انت كده خلصت 1 جيجا

وسلم لى بقى على الترماى....

بس عاوز اوصلك نقطة مهمة

ادى دقنى اهى لو شوفت ال 8 ميجا بعينك فى يوم من الايام

هايحصل حاجة من ال 2

يااما يقولولك خطك ميستحملش ويعملوه لك 2 ميجا 

وتدفع برضه ال 100 جنيه على انه 8 طلقة؟!!

يااما يخلوه لك فعلا 8 ميجا ..بس مش هاتشوف ال 8 دى الا جوه الروتر

 او وانت بتعمل تحميل من لينك مباشر

انما تتصفح ب 8 ميجا دى؟...ههههههههههههههههههههه...على جثتى 

وهو ده اللى حاصل دلوقتى

عملوا اعلانات مهولة النص بالنص...

قرب قرب قرب وخد لك خط نت ب 50 جنيه طلقة

وشغل تكاتك وميكروباصات...المبيضة...حد رايح المبيضة...بيبيضوا علينا

المهم ان الشركة مش مكفية

تيجى لبعد المغرب

وتحس ان النت راح مشواااااااااااااااااااااااااااااااااااااااااااااااااااااار ومتشوفوش تانى الا تانى يوم الصبح

عاوزك تيجى كده للساعة 6 مساء

وتعمل بينج على ايبى جوجل

بتعملها ازاى؟..

اقولك انا

اضغط من الكيبورد على رمز ميكروسوفت اللى بين الالت والكنترول

وانت ضاغط عليه اضغط حرف ار R

هايطلع لك مربع

اكتب فيه

ping -t 8.8.8.8.8



بص انا عاوز افهمك حاجة

البينج عبارة عن ارسال واستقبال

يعنى بنبعت نسال جوجل انا بينى وبينك اد ايه وترد علينا

فاكرين الزبادى بتاعة زمان اللى بنعملها بدوبارة ونكلم بعض فيه

كنت انت تتكلم فى اعلبة والصوت يمشى فى الخيط 

لاخوك واخوك يرد من العلبة التانية ويرجع لك

نفس الفكرة

هانعمل زبادى جوجل؟!!

هانسال جوجل انت شايفنى كويس ولا لا

لو جالك الرقم اللى بيرد عليك جوجل بيه رقمين يعنى من 1 الى 99 انت زى الفل

لو جالك 3 ارقام.. انت كده زى الزفت والهباب

لو جالك ركويست مردش خالص..يبقى انت كده ميت ..ههههههههههه




طبعا بتشوف الرقم اللى انا مشاور لك عليه اللى بعد كلمة تايم يساوى

الخلاصة

الشكرة بتعمل تجديد هايستمر مدة سنة واكتر

الخدمة هاتفضل سيئة

التصفح هايفضل زبالة فوق ماتتخيل

المرة الوحدية اللى هاشتوف خطك بيجيب سرعتك كاملة

فى التحميل من رابط مباشر فقط



اما فى التصفح فكبيرك اوى اوى 180 كيلو يعنى 2 ميجا قفقط



وابقى قابلنى لو شوفت اكتر من كده

ملاحظة هامة

(1) فودافون البينج والتصفح فيها روعة نظرا لقلة الضغط عليها

(2) لينك التصفح والبينج روعة نظرا لقلة الضغط عليهم

(3) اتصالات التصفح والبينج روعة نظرا لقلة الضغط عليهم

يبقى معدش الا تى داتــــــــــــــــا

وطبعا الشركة التابعة لها تى داتا هى المصرية للاتصالات

وعللت المشكلة على تحديثات؟..

طب بالله عليكم

مش التحديثات دى فى الكابلات .؟؟؟

يعنى شركات فودافون ولينك واتصالات على نفس الكابلات؟..

يعنى طالما تى داتا زفت كده يبقى الباقى هايبقى كله كده؟..

على اساس انها كابلات واحدة شايلة كل الشركات 

بنظام يانعيش عيشة فل يانموت احنا الكل..!!!

ازاى بقى باقى الشركات دى تمام

وتى داتا اللى الكابلات مبوظة شغلها؟..

مع العلم ان اول ماتركب كابينة الحرامية سان الجديدة

هايلغوا لك اى شركة الا تى داتا؟؟؟

يعنى كده ميت وكده ميت



وبكرة كلكم تفتكروا الموضوع ده

وهافكركم




  1. يارت يشوفه حلا تعبنه والله

    ردحذف
  2. هههههههههههههههههههههههههههههههههههههههههههههههههههههههههههه
    قسما بالله انت سكره
    وربنا هموووت من الضحك وانا بقرأ كلامك

    وطالما احنا كدا ميتين وكدا ميتين يبقى احنا هنخاف من ايه

    ردحذف
  3. ننزل ونطلب بحقنا ياكبير من الشركات النصابة دي قولنا نعمل اية النت طيييييييين

    ردحذف
  4. كلنا في مركب واحده يا ريس متخفش الخازوق بتاع المركب اقصد الشراع هيكفي الجميع

    ردحذف
  5. اولى ياكبير احنا لبسين الخابور من زمان حرام عليك اكتر من كده يوجع قامت الثورة وبنعانى منها لحد
    الان اقصد حنفضل نعانى من شركات النت لحد ميتى
    متحولو تتصرفو فى النت الفضائى ونسبهم ( يـنيـــــــــــــــــــــ ) بعض

    ردحذف
  6. انا عاوز اعرف ايه الفرق بين مصر و الدول التانيه

    ردحذف
  7. ده انت تعبت لما كتبت الكلام ده كله بس كله صح

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...