افكار وحلول للانتهاء من مشاكل الشبكات الان فى مصر..الاستخدام العادل..خطوط الشركات..التحميلات..التصاريح الامنية..الحلقة الاولى


اعضاء مدونة ميكروتيك العرب الكرام

مشاكل كتير تواجه بعض الشبكات الان ونشوف 

المشكلة ونعرض طرق الحل المتكاملة ليها

(1) مشكلة الاستخدام العادل فى الشركات

هاعمل لها درس كامل لافضل الشركات وعدد الجيجات 

وكيف تواجه هذه المشكلة من الالف للياء

(2) مشكلة التحميل فى الشبكة downloads

من افضل الحلول هى غلق مواقع التحميل

(ماى ايجى وعرب سيد ومزيكا تو داى واشهر مواقع 

التحميل وهاوريكم ازاى نعمل كده)

بس فى الجانب الاخر لازم تكون عندك مجلة خاصة بالشبكة 

هايتحط عليها يوميا الجديد اللى بيتحط على المواقع دى

وهانجبر العميل من التحميل من المجلة دى يفضل ميجا شير بلس الحديثة..

يفضل المجلة شرعيا عن طريق مالكها المهندس خالد جاد

تخيل فيلم حجمه 1 جيجا...دخل 50 مشترك يحملوه من احد المواقع 

دى يبقى اتسحب منك 50 جيجا للفيلم ده لوحده

طب لو جابوه من مجلتك يبقى انت سحبت بدلا من 50 جيجا 1 جيجا فقط 

بالاضافة للسرعة الرهيبة فى التحميل

(3) مشكلة اليوتيوب وسحب الباندويث

من افضل الحلول تخصيص وقت معين نهبط فيه جدا اليوتيوب 

بحيث العميل يخلى موضوع اليوتيوب ده فى اوقات معينة

يعنى مثلا نخفض السرعة من 6 المغرب لحد 12 ليلا ونفتحه تانى من بعد 12 ليلا

يبقى العميل يعمل حسابه على كده

(4) تخصيص حجم معين للسيرفر مياخدش 

اكتر منه يوميا يتم توزيعه على المشتركين

(5)عمل باقات للمشتركين زى شركات النت زى مثلا

512 عليها 40 جيجا ب 35 جنيه فقط ...

طبعا ال 40 هانبدئها ب 10 جيجا فقط علشان نعرف العميل اللى بياخد وبيسحب

1024 عليها 60 جيجا  ب 55 جنيه فقط..وطبعا هانبدئها ب 20 جيجا..

ماهو كده كده الشركة بتعطى له ب 95 جنيه عليها 40 جيجا 

هايقولك يبقى انت اوفر من الشركة

موضوع الاستخدام العادل بقى رسمى على الجميع

(6) عملاء التورنت هانهدى التورنت على قد مانقدر 

فى التحميل ونخليه فى مواعيد معينة

(7) التحميل سيتم ايقافه ساعات معينة يوميا لتوفير الباندويث

يعنى هانعمل دراسة انا معايا كام خط

عليهم كام جيجا

يكفونى كام يوم

اليوم بيسحب كام جيجا 

كل ده هاتبقى موضوعات دروسنا اليومية القادمة باذن الله

اى حد عنده اى نقطة تانية يحطها فى تعليق علشان تبقى الحلقات مكتملة



  1. هو ده الشغل وهو ده الى مستنينه من شادى الكبير قوى ( شادى يعود بقوه)

    ردحذف
  2. هو ممكن نعمل خط للدونلود من شركه وخط للتصفح من شركه وخط لليتيوب من شركه اخرى بحيث استفيد من عده شركات ولو خط وقع ممكن انقل على الشركه التانيه

    ردحذف
  3. مشكوووووووووووور

    ردحذف
  4. أزال المؤلف هذا التعليق.

    ردحذف
  5. ياريت يابشمهندس تبدلنا الدروس دي
    بشرح طريقة الدمج على روتر بورد 750gl والتوزيع علي كيسة مايكروتك لانك معملتش اي دروس عن الموضوع دا + البرود باند

    ردحذف
  6. اكيد حضرتك مدورتش كويس لان اي حاجه ليها شرح وبالفيديو مع المهندس شادى

    ردحذف
  7. استاذ شادى انت عارف انه بسبب العروض اللي الشركات بتنزلها وتنزل معاها روترات مجانا اكتر الناس صحاب الشبكات عندها روترات كتير انا واحد من الناس عندى ف حدود 10 روترات مفيش سوفت اقدر استفيد بيهم كااكسس بوينت حتى لو داخليى عند العميل للموبيلات والتابليت والاحهزه الكتير اللى انت عارفه بق المهم الرواتر نوعهم d link و tp link موديلات dsl_2730u و td854w

    ردحذف
  8. عايزين نلاقي طريقة مهندس شادي لمراقبة العملاء الذين يتكلمون في السياسة علي الفيس وباقي مواقع التواصل الاجتماعي علشان تتبع الايبهات ومنتحتش في الكلابوش

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...