نصيحة هامة جدا لكل اللى معاه خطوط انترنت وعامل شبكة انترنت..وبخصوص خطوط الشركات الاخرى الانليمتد




كتير ملاحظ وقوع الشركات الاخرى فى حال الاعتماد على الانليمتد منها

بدون ذكر اسماء فيه شركة بتعطى 4 و 8 و 12 عليها استخدام عادل او كوتة

بس بتشتغل مع بعض الموزعين بدون استخدام (خدمة نتورك)

حدث كبوة ووقعت فترة 3 اسابيع وعادت للعمل

ولكن للاسف كل يومين تلاتة تقع ولازم تشغلها بايدك من جديد

نصحنا كل عملاؤنا ان مش ده الخط اللى تعتمد عليه للشبكة ويكون مصدر رزقك

لان لو اعتمدت على شيىء غير مستقر عمرك ما هتستقر

طيب الحل ايه؟..

بصوا يارجالة شغلوا دماغتكم شوية

تى داتا خط 2 ميجا سعره حاليا ب 110 جنيه بيعطيك 320 جيجا

طب خط تى داتا 4 ميجا (مش موجود فى القرى) بسعر 190 جنيه بيديك 320 جيجا

يبقى ايه الافضل لك؟..

خطين تى داتا 2 ميجا ب220 يعطوك 600 جيجا

طب بص لى كده على الانترفيس فى الميكروتيك 

عندك وشوف معدل سحب العملا كام جيجا يوميا




ومثلا عندى 350 مشترك

بيدخل منهم 199 يوميا اونلاين

يعنى تقريبا يوميا 85 جيجا

يبقى لو زودت كمان ابقى فى المضمون 100 جيجا

يعنى عاوز شهرى 3000 جيجا صح؟..

يعنى عاوز 10 خطوط انترنت وابقى فى الامان من تى داتا 320 جيجا الخط

ياسيدى خليهم 8 خطوط

عاوز كمان دمج مظبوط يتساوى ميجورش على خطوط تانية

طب والخط الانليمتد ياعم شادى بتاع شركة ف.....

ماشى وماله خير وبركة لما يشتغل حول الدونلود واليوتيوب عليه

هايوفر لك جامد

وظروفه دلوقتى عمال يقع لما يقع تكون جاهز فورا لفصله لحد مايتظبط وانت شغال

مش تعتمد اعتماد كلى على الخط ده ويقع شغلك كله يقع والناس تطفش؟..

فيه حاجت كتيرة اوى لتشغيله بقول للناس اللى معايا عليه ومينفعش على العام

بس برضه بامانة الله انا قايل لكله محدش يعتمد عليه

ومتسمعش اى كلام يتقال لك مضمون وتعالا اشترى طب هاخصم لك طب طب..

انت بتوقع نفسك بنفسك فى الاعتماد على الخط ده

رؤيتى للموضوع ده اشتغل تى داتا تصفحها جميل جدا عليها 320 جيجا

اشتغل لينك عليها 300 جيجا فى الخط ال 4 ميجا ام عرض 190

بس متعتمدش على اى شركة تانية الا بخط تفاريح او تظبيط خدمة

عاوز الناس تشغل دماغها مع الشركات مش تقفل دماغها على شركة معينة؟..

وبزعل لما اقوم الصبح الاقى شبكات منهارة بسبب الاعتماد على خطوط انليمتد

الوضع الان غير مستقر ومحدش يفهمك غير كده

ولما يستقر هاعلن عن كده

الموضوع مش تجارة

الموضوع اكل عيش وحياة ناس معتمدة على الشغلانة دى

وللاسف شغلاتنا اتملت تجار وكله بيشتغل على كله

واى حد خد معلومة من هنا ببلاش بيبعها لغيره بفلوس تيم فيور

لا حول ولا قوة الا بالله

مكنش ده اللى بحبه نهائى

ده انا افنيت حياتى فى نشر التعليم اللى ببلاش

ولو كنت ببيع اجهزة فوالله العظيم المكسب فى القطعة 50 جنيه

ولو كنت بعلن عن برمجيات بفلوس

فوالله العظيم ده بيروح لصاحب البرمجة لانه هو اللى تمن شغله وتعبه بكده

لكن شغلى كله بالمجان 

ياريت تراعوا ربنا وضمايركم قبل ماتوقعوا اكل عيش الناس وحياتها

انصحوهم يشتغلوا على ايه وشركة ايه وهايعمل ايه

متلبسهوش اجهزة وشركات نت وخلافه علشان تكسب لك شهر ولا اتنين

الراجل صاحب الشبكة ده لو وقع انت هاتخسر كتير

هاتخسر بضاعة شبكات كنت بتبيعها له

هاتخسر فلوس دعم كنت بتدخل تعملها له

هاتخسر حاجات كتير اوى

غير ان صاحب الشبكة نفسه هايخسر مصدر رزقه واكله وشربه

اللهم بلغت اللهم فاشهد

مش عاوز حد يسمع كلام حد ويقوله هو ده الخط اللى هاتشتغل بيه

لازم تعمل حسابك على الصح

تحياتى لكم

شادى سوفت



  1. سؤال ياأستاذ شادى إنتا حضرتك كاتب إن سعر خط تى إى داتا ال2 ميجا ب110 لكن إللى موجود فى الموقع الرسمى بتاعهم سعر ال2 ميجا 220 جنيه فياريت توضحلنا النقطه دى وشكرا.

    ردحذف
  2. فيه عرض نصف الثمن لمده 6 شهور من تى داتا

    ردحذف
  3. ياريت يا بشمهندس شادى تشتغل معانا اكتر على فصل التصفح والدونلود اكتر واكتر بحيث نستفيد من مميزات الشركات اكتر

    ردحذف
  4. العرض خلص امبارح الساعه 12 صباحا يا شادى بتاع النص بالنص . على مسئوليتى

    ردحذف
    الردود
    1. http://www.tedata.net/eg/ar/Home-ADSL/Half-Price-Promo

      حذف
  5. ربنا يكرمك ويزيدك يابشمهندس ونستفاد منك اكتر واكتر

    ردحذف
  6. ربنا يكرمك ويزيدك يابشمهندس ونستفاد منك اكتر واكتر
    واتمنى لك دوام النجاح والتوفيق دايما لك يااخى الكريم

    ردحذف
  7. عرض نصف الثمن لمده 10 شهور من LINK DSL على جميع السرعات
    01022177113
    01220017749
    محمد سلامه

    ردحذف
  8. عرض نصف الثمن لمده 10 شهور من LINK DSL على جميع السرعات
    01022177113
    01220017749
    محمد سلامه

    ردحذف
  9. عرض نصف الثمن لمده 10 شهور من LINK DSL على جميع السرعات
    01022177113
    01220017749
    محمد سلامه

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...