الطريقة الاولى من نوعها لمواجهة الاستخدام العادل فى مصر وتصلح لكل شبكات العالم العربى QUTA SCRBT MIKROTIK



فكرة جميلة اوى

عمالين نطور فيها يوميا

احنا شركات الانترنت مركبة لنا لامؤخذة البتاع بتاع البتاع 

وعمالين ينفخوا فى اللى جابونا

وطول مالبتاع راكب ومش لاقين حل للاستخدام الراكب؟..قصدى العادل

عمرنا ماهنبقى بتوع بتاع من اللى بيتباع!!!!!

حدش فهم حاجة؟..

طيب بص يابرنس وطرطأ لى جوز الودان الحلويين دول اللى معدوش بيسمعوا 

الا خوازيق!!!!

هاسمعك فكرة حلوة اوى ننفذها ونطورها سوا

احنا هانشيل البتاع اللى متركب لنا ونركبه للميكروتيك؟..

اظن هو هايستحمل لكن احنا معتقدش البتاعة هاتستحمل صح؟...

اعتقد ان كلكم فاهمين بالصلاة على النبى...

ايوه ياعم قصدى البتاعة اللى هى البتااااااااااااعة؟!!!

ههههههههههههههههههههههههههههههه

المهم احنا هانروح لمولانا الميكروتيك ونقوله؟!!

مدد ياسيدى تيكا ابوس ايد امك ارحمنى من اللى بتعمله الشبكات

وهافهمه ان الشركة بتدينى كمية محددة وبعدين 

لما اتخطاها تقوم الشركة منزلى سرعتى


وانى لما اوصل لاخر الشهر واخش فى اشتراك جديد 

تروح الشركة ضاربة ايدها فى جيبى ومشغلة لى النت!!

طبعا هانصعب على الميكروتيك

فهيقولك وانت مخزوق نفسك وحارق دمك ليه ماحنا نلبس القرطاس للمشتركين؟!!

ازاى ياعم ده؟..

هاقولك انا بقى

انت عندك العملاء منهم الكويس ومنهم اللى بينفخ السيرفر

 ومنهم ابن ستين كلــــــــــــــــــــــــــــــــ!!!!!!

طيب انا هاعمل اسكريبت افهمه

انى هاعمل كوتة او كمية شهرية او يومية زى ماتحب

المهم الميكروتيك هايشتغل نضورجى وعصفورة؟؟

عصفورة من بتاع الجيش يامعلم منك له!!

هتراقب المشترك تخطى الكوتة او ال 10 جيجا مثلا

تروح مبغة السيرفر وتروح للبروفايل نعمل له بروفايل كوتة

وتروح ملبسة العميل اسود!!!! يعنى تحطه فى فصل خدمة وتنبيه انه تخطى الليميت

ولما يجى اول الشهر لو شهرى او اول اليوم

 لو يومى يرجع له بروفايله العادى اللى كان مشترك بيه


طب العميل فى الحالة دى هايعمل حاجة من الحاجات دى؟..

(1) يلم نفسه ويخف ايده على النت ويعمل حساب ان معاه كمية محددة 

...ويبقى انت كسبان

(2)يشترى جيجا اضافية تانية ب 5 جنيه مثلا...ويبقى انت كسبان

(3) يدفع اشتراك جديد ويفعل الخدمة تانى..ويبقى انت كسبان

(4)يتجه للمجلة بتاعتك يحمل منها الاغانى 

والافلام والالعاب والاسلاميات وكل الميديا...ويبقى انت كسبان

لانه هيخاف يحف فى النت لحسن نايبه يخلص؟..

هاه ايه رايكم؟.

انا اسف للكتابة الكتيرة بس عاوز اوصل الفكرة بشكل بلدى وسهل للمبتدئين

عامة نشوف الحلقة الاولى من الشرح لعرض الفكرة وكيفية تطبيقها ونتيجتها

الفيديو





والان موعد تحميل الصفحة كاملة علشان نطبق فى الدرس القادم

الملفات المرفقة

اترك رد ليكتمل التحميل من فضلك سيرفر ميكروتيك العرب

الملف الحجم , عدد مرات التحميل :


تحياتى لكم

شادى سوفت

فريق ميكروتيك العرب فى خدمتكم من 12 ظهرا الى 11 ليلا عدا الجمعة

01223043008

01009661565

0572361289


  1. في حاجة تانية هيعملها العميل وانت نسيت تتكلم عنها يا هندسة.. هيزعل اني عملت كدا لانه مش هيفهم غير اني فصلت عنه النت او بطئته عليه.. وساعتها هيقولي مش هكمل.. وعلي فكرة نوعية العملا كلهم كدا وانت سيد العرفين.. عاوزين نت ببلاش وتجيب الباقي كمان.

    ردحذف
  2. مش هينفع ومحدش هيوافق على كده من العملاء دول عاوزين حنفية مفتوحة 24 ساعة -ربنا يعوض على الشبكات

    ردحذف
    الردود
    1. عندك حق انا ريقي نشف مع الناس وواحد كان بينزل لوحده 40 جيجا جيت اكلمه قال انا مش هاقدر امسك نفسي وفعا راح جاب اشتارك لوحده وكل اربع مشتركين جنب بعض لموا من بعض وجابوا رواتر علمناهم الشحاته سبوقونا علي الابواب والحمد لله فضيتها وروحت خدت وصله ب 30 جنيه وريحت دماغي وكفايه خساير

      حذف
  3. إضغط على Quta mikrotik

    ردحذف
  4. فين يا باشا اسكربت الكوته الشهريه داه

    ردحذف
  5. أنا مطبق الكلام ده من سنة لما شركة تى داتا وقفلتى خط بعد ما عدى 300 جيجا 3 مرات ، واللى مش عجبه بالسلامة علشان مفيش حل تانى ، والموضوع ماشى تمام.

    ردحذف
  6. فكره كويسه

    ردحذف
  7. فين الاسكريب يا برنس

    ردحذف
  8. فين الاسكربت يا باشا حضرتك قولت بكله هنزل الاسكربت واديلنا تلت ايام اهو

    ردحذف
  9. انتو الافكار بتوصل عندكم بعد مدة طويلةةةةةةةةةةةةةةةةةة

    ردحذف
  10. شكرا ودائما بالمزيد

    ردحذف
  11. يا بشمهندس فين الاسكريبت

    ردحذف
  12. أزال المؤلف هذا التعليق.

    ردحذف
  13. الف شكـــــــــــر

    ردحذف
  14. شكرا ودائما بالمزيد

    ردحذف
  15. هنجرب بئه يا معلمممم

    ردحذف
  16. شكرا يا شادى وفى انتظار باقى الشرح

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...