حل مشكلة بطء النت اخطر مشكلة تفصل لمبة الانترنت من الروتر وتخليه بطىء جدا بالاخص الناس اللى جابت عروض طلقة من تى داتا





السلام عليكم اعضاء مدونة ميكروتيك العرب الكرام

اشتغلت دعم فنى خارجى تى داتا فى دمياط سنتين شوفت فيهم الويل

عندنا فى راس البر كلها فيلات وشاليهات

وبسبب رطوبة البحر والارض كنت عايش 

اسوؤ ايام حياتى كل مااركب خط انترنت لعميل

فيه حاجة تايهة جدا عن الناس اسمها جودة خط الانترنت

يعنى ممكن يبقى خطك 1024 ومبيحملش الا بنص سرعته او اقل كمان

وجودة خط الانترنت دى ساعات بيبقى السنترال السبب وساعات بيبقى انت السبب

طيب فى قصة النهاردة اتصل بى اخ عزيز جدا وصل خط تى داتا ومش عارف يشغله

الدى اس ال يشتغل شوية ويفصل كتييييييييييييييييييييييييير

ولو اشتغل جوجل مبتفتحش؟..

سالته جايب خط بكام قالى 75 انا فكرت ال 512 بتاعنا ونسيت عروض طلقة تى داتا

الخط طلع 8 ميجا طلقة من تى داتا

 

فى الفيديو هاتشوفوا كفاءة الخط بقت روعة والتحميل ب 800 كيلو على الثانية

بعد ماكان بيحمل ب 30 كيلو على الثانية

اسمعوا الفيديو وشوفوا المصيبة اللى كل الناس عملاها

 فى بيتهم وبيشتكوا من الانترنت












تحياتى لكم

شادى سوفت




  1. طيب لو سمحت سؤال يا استاذ شادى .. دلوقتى انا عندى روتر وعايز اعرف اللمبات اللى فيه بتخليها منورة ولا بتنور وتطفى يعنى مثلا لمبة البور طبعا منورة على طول انما لمبة adsl ولمبة الويرلس احيانا منورين واحيانا بيرعشوا انما لمبة الانترنت والبورت اللى حاطط فيه الكابل بتاع الكمبيوتر دايما بينورا ويطفوا . ياترى هو دا الطبيعى ولا فى عندى مشكلة . وشكرا مسبقا .

    ردحذف
  2. كلام المهندس شادي صحيح 100% يجب التأكد من جودة سلك التليفون من البوكس إلى الراوتر مباشرة بدون لحامات او وصلات داخلية ودون حتى فيشة التليفون بالحائط لان معظمهم صيني غير جيد وقليل الجودة .. الحل ان سلك التليفون يأتي من البوكس إلى الاسبلتر مباشرة وستلاحظون أفضل خدمة إنترنت ويجب كذلك التأكد من أن سلك التليفون غير قديم ومتهالك .. ولو لاحظتم ذلك يفضل تغيير سلك التليفون بسلك جديد من البوكس إلى الاسبلتر بمعرفة فني السنترال بالطبع وستلاحظون الخدمة مستقرة وفي كامل جودتها وسرعتها

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...