ازاى اقدر اعرف الانتنا بتغطى اتجاه معين او لاء,,ايه افضل انتنا 5 دى بى ولا انتنا 15 دى بى,,ايه احسن انتنا اركبها لاكسس بوينت استخدام منزلى...A relation which combines the antenna's directivity and electrical efficiency



الانتنا ال 5 ديبى ممكن تكون افضل بمراحل من الانتنا 15 ديبى!!!!!

الموضوع بالكامل للمهندس محمد زكى...Mohmmed Zaky

وكان لابد للناس تفهم يعنى ايه الجين....وايه افضل انتنا تشتغل عليها؟.

هل ممكن تكون انتنا اومنى 5 دى بى

 افضل من انتنا اومنى 15 دى بى هايبر لينك مثلا ؟


الاجابه : اه ممكن

ازاى ؟

طيب تعالو نعرف وظيفة الانتنا

الانتنا عباره عن معدن موصل للتيار يستخدم فى تحويل الاشاره الكهربائيه الى 

اشاره 

كهرومغناطيسيه

لا تحتوى على اى دوائر الكترونيه

نفترض مع بعض ان فى جهاز باور الارسال فيه 100 ميلى واط

لو وصلت انتنا 5 دى بى من نوع تى بى لينك

الباور الخارج من جهاز الارسال كله هيروح للانتنا اللى بدورها هتحول الباور ده

 لاشاره كهرومغناطيسيه

طيب ايه اللى هيحصل لو وصلت انتنا 10 دى بى ؟

نفس الكلام

الباور الخارج من جهاز الارسال كله هيروح للانتنا اللى بدورها هتحول الباور ده 

لاشاره كهرومغناطيسيه

وبما ان الانتنا مش اكتر من معدن موصل للتيار

فهى مش هتقدر تزود الباور او تقلله او اى شئ من هذا القبيل

وبالتالى مفيش فرق فى الباور الخارج

ازاى الكلام ده !

يعنى مفيش فرق بين انتنا 5 دى بى وانتنا 10 دى بى !!

امال ليه عملوا انتنا بـ Gain اعلى وسعر اغلى ؟!

لا فى فرق هنوضحه دلوقتى


طب ما تيجوا نعرف يعنى ايه Gain

A relation which combines the antenna's directivity and

 electrical efficiency

هى علاقه تجمع بين توجيهية الارسال و الكفائه الكهربائيه

نرجع للمثال اللى فات

لكل انتنا مخطط بيوضح اتجاه و قوة بث الانتنا فى الفراغ

المخطط ده اسمه Radiation Pattern

احنا هنا قولنا ان ال Gain هى علاقه تجمع بين التوجيهيه (اتجاه البث) و الكفائه

هنعتبر عامل الكفائه ثابت لكل الانتنات المحترمه اللى فى السوق

يبقى الموضوع يتوقف على التوجيه

ازاى بقى انتنا 5 دى بى اومنى و انتنا 10 دى بى اومنى ممكن يكونوا زى بعض فى

 التجربه ؟

الفكره ان الانتنا الـ 5 دى بى توزيع الاشاره فى الفراغ ليها بيكون فى اتجاهات اكبر

 من الانتنا الـ 10 دى بى


وفى نفس الوقت الانتنا الـ 10 دى بى بيكون توزيع الاشاره فيها فى اتجاهات معينه 

اكثر تركيزا ( موجه )

طيب نوضح برسمه حقيقيه للـ Radiation Pattern لـ انتنا 5 دى بى

  لينك الانتنا




Antenna 9dBi


لينك الانتنا





لما نقارن الرسمتين هنلاقى ان الانتنا الـ 9 دى بى توزيع الاشاره اقل من الانتنا الـ 5 


دى بى فى بعض الاتجاهات

ولكن فى اتجاه بثها بتكون الاشاره اقوى من الانتنا الـ 5 دى بى

 
نيجى بقى للكلام العملى شويه

س : اشتريت انتنا هايبر لينك 15 دى بى والاشاره قلت ليه ؟

ج : لانك بتستقبل فى مكان الانتنا مش بتغطيه

س : ازاى اقدر اعرف الانتنا بتغطى اتجاه معين او لاء ؟

ج : ببساطه كل ما زاد الـ Gain تقل التغطيه الرأسيه للانتنا

لحد ما توصل ان اشاره الانتنا موجوده فى نفس ارتفاع الانتنا فقط ومفيش اشاره

يعنى ايه ؟

يعنى لو بتستخدم انتنا 15 دى بى على ارتفاع 10 ادوار يبقى تستقبل من نفس 

الارتفاع

س : ايه افضل انتنا 5 دى بى ولا انتنا 15 دى بى ؟

ج : مفيش اجابه ثابته .. الموضوع يتوقف على نقطتين

1- المسافه اللى عايز ترسل ليها

2- الارتفاع اللى هتستقبل منه


لو عايز ترسل مسافه بعيده استخدم انتنا بـ Gain كبير

لكن لو عايز ترسل مسافه مش كبيره وتستقبل من كافة الارتفاعات استخدم انتنا بـ

 Gain صغير

س : انا عندى انتنا 15 دى بى وبستقبل من المريخ وكل الكلام اللى انت بتقوله ده 

كدب

ج : الموضوع مش بس بيتوقف على اتجاه بث الانتنا

فيه عوامل تانيه زى انعكاس وانكسار الموجات

بمعنى انك ممكن تستقبل فى مكان مش فى اتجاه الانتنا عن طريق الموجات المنعكسه

 من الاسطح اللى بيسقط عليها الاشاره

س : ايه احسن انتنا اركبها لاكسس بوينت استخدام منزلى ؟

ج : لو انت ساكن فى مكان مكون من طابقين وعايز الاشاره فى الدورين استخدم 

انتنا 

5 دى بى واعوجها بحيث الاشاره تتوزع لاعلى

 ولاسفل

اما لو ساكن فى بيت مكون من طابق واحد خلى الانتنا عموديه على الارض

س : ايه الفرق بين سيكتور انتنا الاتنين 120 درجه

واحده 17 دى بى والتانيه 20 دى بى ؟

الفرق هو كفائة التوجيه فى الـ 120 درجه

لو شوفت الـ Radiation Pattern ليهم هتلاقى ان الـ 20 دى بى توجيه 

الاشاره 

فى الـ 120 درجه افضل من

 الـ 17 دى بى ( افضل بمعنى ان الاشاره كلها بتتوزع فى الـ 120 درجه بشكل 

متناسق )


اتمنى اكون افدتكم



كل الشكر للمهندس محمد معلومات قيمة فعلا

تحياتى لكم


شادى سوفت



  1. كلام حميل انا جربت الومني 13 دي بي على روكيت ولقيت انو بمناطق احسن بس حاطط بيكو كمان معاه فكدى بيغطي احسن والي ما بيوصلو الاومني بيوصلو البيكو ليست طريقة ناجخة 100/100 بس احسن
    عندي سكتورات ام 5 وعاوز اشغلهم على روكيت ام 2 ينفع ؟؟ ارجو الافادة قبل ما نبوظ اي حاجة

    ردحذف
  2. اخي شادي عندي سيكتورات يوبي ان تي ام 5 اقدر اشغلهون على روكيت ام 2

    ردحذف
  3. شكىرا لك على التوضيح

    ردحذف
  4. شكرا على التوصيح القيم

    ردحذف
  5. يعنى المقصود ممكن اخلى الانتنا معووجه على الجنب افضل من اتجاها لفوق صح كده ولا ايه على ايرليف 5460

    ردحذف
  6. شكرا اساذي الفاضل مع خالص الامنيات با التفوق ودام النجاح

    ردحذف
  7. يا شادى جهاز البلفلو ازاى اقوى اشارته

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...