فصل الخدمة فى هيئة فحص اليكترونى من الميكروتيك لتخفيف حدة عملية جمع الاشتراك اخر الشهر




السلام عليكم اعضاء المدونة الكرام

النهاردة 4 فى الشهر وعارف ان نصكم ياولداه داير بالطبلة بتاعته بيجمع قرشناته من المشرتكين..

بيحسسونا اننا مسحراتية طول رمضان بنديهم نت واخر الشهر نلم منهم حسنة قليلة تمنع بلاوى متلتلة...

للاسف الناس لما تشوف رسالة فصل الخدمة بيجلهم جلطة دماغية وبيتكملو معاك تحس انهم عاوزين يتفوا فى وشك

علشان الرسالة اللى لطعتها ادام عينيهم دى...

بالرغم من قلة ادب البنى ادمين دول..

بس معلش استحمل علشان المم ياريس..وهانجيب فلوسنا هانجيب فلوسنا...

المشكلة بقى اللى خارج الموضوع خالص...

عاوزك مرة وانت ماشى تلف على البيوت كده تاخد بالك من الستات اللى واقفين فى البلاكونات ويشوفك وانت طالع

تاخد الاشتراك..

نصهم هايدخل جرى ينبه جوزهم انك جاى وهو طبعا هايقولهم اعملوا عبط ومحدش يفتح له لما يزهق يمشى لوحده..

والنص التانى ياريس هاتلاقيهم كلهم اتحولوا فجأة لخريجى تجارة..طبعا اغلبهم مبيعرفش يفك الخط

بس على حظك انت ياغلبان ام نعمة وام سيد وام رجلين مسلوخة هاتقعد تتغمز وتقول لزيلتها احسبى ياختى

طالع عمارة 6 ادوار كل دور فيه 4 شقق كل شقة ياختى اقل مافيها 30 جنيه يبقى هياخد كام ياختى من العمارة دى؟..

احييييييييييييييييييييييييييييييييييييييييه..يمكن قبل ماتنزل من العمارة تكون نصيبة من السما لبستك ولا لبسة الشبكة...


والتانية ترد عليها وتقولها والنبى ياختى ابو عبده مابياخد فى الشهر كله اللى الجدع بيلمه فى يوم واحد..

يامصييييييييييييييييييييييييييييييييييبتى ..اهى دى بقى كفيلة تجيب لك مرض الشكشة فى الحمبلايز...ههههههههه

والله العظيم الكلام ده بيحصل سواء بتاخد بالك ولا لا....هو بيحصل وده تفسير ام الخوازيق بتاع اول الشهر

طيب موضوع النهاردة هايحسس العميل ان هناك تدابير احترازية اليكترونية بالمهلبية...

قصدى يعنى انه هايحسسه ان حاجة اوتوماتيك بتحصل من السيرفر لوحده

شوف الفيديو كده..



طيب دلوقت انت عاوز الملفات اللى انا وريتها لك فى الفيديو ده

الملفات المرفقة

اترك رد ليكتمل التحميل من فضلك سيرفر ميكروتيك العرب

التحميل الحجم , عدد مرات التحميل :


الف شكر لكم

شادى سوفت



  1. مشكور جدا بارك الله فيك

    ردحذف
  2. تسلم ايديـــــــــــــــك

    ردحذف
  3. مشكور جدا

    ردحذف
  4. شكررررررررررررررررا جدا

    ردحذف
  5. فكره جميله اوى شكرااااااااا

    ردحذف
  6. شغل جميل منك يا باشا بس برضه زباين معندهاش دم

    ردحذف
  7. الف شكرا على المجهود الرائع

    ردحذف
  8. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ردحذف
  9. يابشمهندس الفيديو مبيشتغلش على كل المتصفحات ايه الحل

    ردحذف
  10. تسلم يا شادى

    ردحذف
  11. تماااام يا باشا .......... يسلمووووووووو

    ردحذف
  12. شكراااااااااااااااااااااااااااااااااا

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...