معلومات هامة جدا لكل صاحب شبكة انترنت سألت نفسك في يوم من الايام يعني ايه كات 5 او كات 6 ؟؟ فى كراتين السلك؟.مقالة لخالد جاد
السلام عليكم
اعضاء المدونة الكرام
المقالة اللى كتبها خالد جاد دى رائعة جدا فعلا وهاتريح ناس كتير من اسئلة كتيييييييييييييييييير..
كتير بسمع الناس بتكلم ويقولك سلك كات 5 او كات 6 طيب هل سألت نفسك في يوم من الايام يعني ايه كات 5 او كات 6 ؟؟
اولا كلمة كات او cat هي اختصار لـ category وتعني فئة او تصنيف
الاسلاك في مجال الشبكات مقسمة الى 7 فئات او 7 اصناف كالتالي
1 - category 1 او فئة 1 واختصارها cat 1 :
ودي هي اسلاك التليفون العادية خالص .
2 - category 2 او فئة 2 واختصارها cat 2 :
ودي اسلاك لديها القدرة على نقل البيانات بسرعة 4 ميجا بت في الثانية الواحدة .
3 - category 3 او فئة 3 واختصارها cat 3 :
اسلاك لديها القدرة على نقل البيانات بسرعة 16 ميجابت في الثانية .
4 - category 4 او فئة 4 واختصارها cat 4 :
ودي اسلاك لديها القدرة على نقل بيانات بسرعة 20 ميجابت في الثانية .
5 - category 5 او فئة 5 واختصارها cat 5 :
ودي لديها القدرة على نقل البيانات بسرعة 100 ميجا بت في الثانية الواحدة .
6 - category 5e او فئة 5 المعدلة واختصارها cat 5e :
ودي بتنقل البيانات بسرعة 1 جيجابت في الثانية الواحدة .
6 - category 6 او فئة 6 واختصارها cat 6 :
ودي اسلاك بتنقل البيانات بسرعة 10 جيجابت في الثانية الواحدة .
طيب الكلام دا ممكن يفيدك في ايه ؟
كتير بسمع ناس بتقول ان انا بحط سلوك الشبكة الرئيسية كات 6 او بحط كابلات الاجهزة الرئيسية زي اجهزة البث اللاسلكي في الشبكة كات 6 اعتقادا ان دا هيفيده او هيفرق في الاداء معاه في الشبكة اللي هو عاملها
لكن الحقيقة ان الكات 6 في شبكتك ملوش لازمة لسبب بسيط
هو انك بتستخدم سويتشات في الشبكة قدرتها على نقل البيانات 100 ميجابت في الثانية وكروت اللان عند العملاء معظمها بتكون كروت قدرتها على نقل الانترنت 100 ميجا بت في الثانية
يعني ايه الكلام دا ؟؟
يعني السلك الكات 6 اللي قدرته 10 جيجابت بيقابل في طريقة سويتش ما يقدرش يعدي اكتر من 100 ميجابت في الثانية الواحدة فبالتالي انت مش هتقدر تنقل من خلال الكابلات الكات 6 اللي بتستخدمها في شبكتك اكتر من 100 ميجا بت في الثانية وباقي قدرة الكابل الكات 6 دا غير مستخدمة في شئ .
كمان في حالة الاجهزة اللاسلكية على المود b اللي 90% من الناس شغالة عليه الحد الاقصى للجهاز اللاسلكي 11 ميجا بت في الثانية يعني حتى مش هتقدر توصل في اللاسلكي لاقصى قدرة الكات 5
يعني من الاخر وفر فلوسك وملوش لازم الكات 6 نهائي في شبكتك لانه مش هيفرق عن الكات 5 في شئ الا في حالة ان سويتشاتك كلها في الشبكة كانت 1000 في الحالة دي ممكن تستخدم الكات 5 المعدل اللي قدرته 1 جيجابت في الثانية الواحدة .
خالد جاد .. LeRoi
مع احترامى لكلام حضرتك لكن مش ده المقصود باستخدام الكابلات كات 6 .. احنا بنستخدمها لانها بتقدر ترمى لمسافات أبعد بتوصل فى بعض الكراتين لـ 300 متر الكرتونه كلها .. ده بجانب ان الكابلات كات 6 الـ 8 أطراف نحاس بنقدر من خلالها نوصل كهربا للسويتشات مهما بعدت المسافه .. وبعدين انهى شبكه اساساً اللى حتنقل 100 ميجا فى الثانيه أكبر شبكه فرديه فى مصر لا تتعدى 52 ميجا وبتكون متقسمه
ردحذفوده حقيقي فعلا لان احنا بنستعمل الاسلاك دي علشان جودة العازل الخارجي والداخلي علشان الاشارات الكهرومغناطيسية اللي بتمر من جمب الاسلاك وبالتالي بتاثر تاثير سلبي علي جودة الاشارة وانا عامتا اقل شئ عندي بستعمل اجهزة بيوكويتي في الاستقبال وقفلت الوايرلس نهائيا غير ان السلك اللي عندي cat 5 e المعدل
ردحذف