لو محتار وعاوز تعمل شبكة وايرليس كويسة عليك والبوليت بس اختار انتنا نضيفة يبقى سيستم رائع bullet 2hp ubnt



السلام عليكم ورحمة الله وبركاته..

كتيييييييييييييييــــــــــــــــــــــــــــــــــــر اوى منكم انا عارف انهم اصحاب شبكات انترنت سلكية والدنيا ماشية تمام..

بس فيه منكم فئتين دلوقتى من اللى بيقرى الموضوع..

(1) فئة شدها عنوان الموضوع لكن مش ناوية تطور نفسها الى انترنت لاسلكى ومكتفية بالارضى بتاعها (سلوك بس يعنى)

الفئة دى دخلها هايفضل فى مستوى واحد ومش هاتطور من نفسها (خد بالك المشتركين بيدورو على الجديد زى ماانت بتدور)

يعنى لو حد من مشتركينك اتفصل عنه النت عطل يومبن ولا حاجة هايقولك انا اشوف حد ياعم يجيب لى النت هوائى بلاش وجع قلب


خد بالك انك كمان مفتقد ركن هام جدا من دعايا الشبكة ...اليوزر اللى معاه لاب وموبايل اول ماهيجى السكن او المكان اللى فيه

اول حاجة بيعملها مش بيدور على اللى بيوصل سلك؟..ده بيقرى اشارة فى الموبايل واللاب وبيتصل على اللى عامل وايرليس


خد بالك كمان ان امكانياتك محدودة بمجال السلوك بتاعك..يعنى طول مافيه لك سلك وسويتشات انت شغال لو ظهر حد بعيد

عن سلوكك وسويتشاتك يبقى انت خسرت العميل ده..طب ليه تخسر عميل ودخل ثابت شهرى؟...فكر كويس جدا فى الكلام ده..

خد بالك برضه ان امكانياتك الفكرية محدودة برضه فى تاريج سلك وتوصيل سلك وشبك من سويتش..يعنى متمرنتش على العمل

مع الاكسس بوينت..والانتنا الوايرليس الهاى باور الاوت دور..والاكسيس بوينت الاوت دور..شوفت الكلام غريب عليك ازاى؟


خد بالك انك لو عامل شبكة فى منطقتك سلوك تقدر تضاعفها بنفس عدد العملاء لاسلكى فى مناطق ابعد..

خد بالك انك لو عميل وراء محطة قطار او قضبان قطار مش هاتقدر تعدى له سلك

خد بالك ان لو عميل بعد ترعة مش هاتقدر تعدى له سلك...

خد بالك لو عميل بعد عمارات كتير مش هاتقدر تعدى له سلك علشان اصحاب العمارات مش راضيين يحطوا لك سويتشات؟..


يبقى الفئة دى هاتفكر دلوقت 100 مرة فى الموضوع وتتابع قراية الموضوع باهتمام بدلا من انها كانت هاتبقى زيارة والسلام؟.


(2) الفئة الثانية...مهتمة فعلا بتطوير نفسها وعاوزة تعرف ايه السيستم الى هانتتكلم عنه دلوقت...

الفئة دى بالفعل ناجحة جدا فى عملها لسعيها الدائم على النجاح والارتقاء ومتابعة وتنفيذ الجديد للتميز بين الشبكات..

جهاز اليوم..

انا مش عاوز اكلكعها لك ونتكلم انجليزى فحت وعبارات مبهمة؟...

بص ياسيد الناس وعمهم كلهم؟...انت يابرنس موصل سلوك نت عن طريق سويتشات صح؟...

طيب السويتش ده عبارة عن جهاز بفتحات بياخد النت ويمشيه فى السلوك علشان توصل للناس..

اهو جهاز البوليت (هو اسمه كده تشبيها بالرصاصة لانه شبهها) بيعمل زى السويتش بالظبط بس بيوصل النت ويترجمه

الى اشارات لاسلكية فى الهواء اسمه تردد 2400 يقدر اللاب توب والموبايل يشوفه ويلقطه وياخد منه نت..

الجهاز له صفحة بتبرمجه منها زى الروتر كده...بتعطى له اسم للشبكة (بيبقى اسمك او اسم شبكتك) ورقم تليفون

علشان اللى يشوف الرقم يتصل عليك ويشترك..وبتدى له قناة يبث بيها (متقلقش جواه 14 قناة عارف القنوات دى زى ايه؟)

زى الاف ام كده انت بتقعد تبحث ولما تلاقى قناة شبكت معاك حلوة بتقعد تسمع لها اهو اللاسلكى كده...انت بتختار قناة حلوة

تشتغل عليها...بتختارها بكل سهولة من القائمة بتاعت البوليت (اكتب فى جوجل شرح بوليت شادى سوفت) وانت تشوف الجهاز

بيتسطب ازاى؟..

جهاز سهل جدا جدا...ابيض وله راس بيركب فيها اريال (انتنا يعنى علشان تزود الاشارة) فاكر البوستر بتاع الاريال بتاع زمان؟

اهو انت بتحتاج لحاجة تزود وتقوى اشارته اسمها انتنا او اريال منها (هايبر لينك امريكية قوتها 15 ديبى وافضلهم السيكتور المصرى

تابع موضوع السيكتور المصرى تفهم اوى موضوع الانتنا اكتر..



الجهاز ضد المايه وضد الفار...ضد الحشرة ضد النار..بس كاش مش بالتقسيط؟..هههههههه ..انا قصدى انه اوت دور بس بقولها

بالمصرى المفهوم (اوت دور يعنى ضد المياه والشمس) شوفوا الفيديو العجيدب ده




 بذمتك كان هايجى لك قلب تعمل التجربة دى ياشيخ؟...ههههههههه

المهم هانيجى لباقى الكلام عن الجهاز

ده تعريف بالجهاز من داخل شركتنا


مشتملات الجهاز...

(1) الجهاز مغلف فى علبه مربعة سوداء عليها الماك واسم المنتج واليوزر والباص الخاص به 


ايبى الجهاز

192.168.1.1

ubnt

ubnt

(2) باور اصلى من الشركة 15 فولت كما ورد بالفيديو


ضمان الجهاز

3 شهور من تاريخ فاتورة الشراء غير شامل ضرب اللان (لان اللان ده بيبقى سوء توصيلات او ضعف كهرباء )


سعر الجهاز

775 جنيه مصرى فقط

كيفية الاتصال

01009661565

كيفية التوصيل

عن طريق مكتب ميدل ايست للشحن لكفاة المحافظات المنتج بيوصل لحد عندك وبعدين تدفع للشركة وهى توصلى الفلوس

مش محتاج منك الا ماسورة 6 متر بوصة ونص تركبها فقط على اعلى عمارة عندك وابدء بث اللاسلكى فورا

مزايا الجهاز..

الجهاز يعتمد اعتماد كلى على الانتنا اللى هاتركب عليه...(راجع موضوع السيكتور المصرى هاتفهم كل حاجة)


عيوب الجهاز

لو ركب عليه اى منتج غير السيكتور المصرى لابد من ربط اشارة لايقل عن 30 الى 35 ديبى عند العملاء بالاكسسات

مايربطش حتى لو اشارته عاليه على اللاب توب والموبايل بسهولة هايوجع قلبك شوية (لكن ركب السيكتور المصرى وانت

هاتشوف انبهارات وتحفة مش هاتصدق عينيك)



السيستم بيوصل الى كيلو ونص و 2 كيلو حسب المكان والانتنا اللى راكبة عليه

لو حابب دى اسطوانة تعليمية كاملة له مجانا


تحياتى لكم شادى سوفت


  1. أزال المؤلف هذا التعليق.

    ردحذف
  2. انا عيز واحده الشرقيه ايه المطلوب

    ردحذف
  3. ممكن اعرف سعره كام دلوقتى يا استاذ شادى

    ردحذف
  4. عايز هايبر لينك والبولت السعر كام دلوقتى

    ردحذف
  5. ممكن نرد علينا وتعرفنا السعر كام وأسعار الأمانة وهل يحتاج سرفر

    ردحذف
  6. ممكن بولت يا استاذ شادي

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...