ازاى تعمل شبكة تبث انترنت 8 كيلو بقوة هائلة وتكسب منها جيدا..تجربة حية من طنطا..السيكتور المصرى
الاعضاء الكرام
اهلا بكم معنا بمدونة ميكروتيك العرب..
كتير منكم بيسال زى الاستاذ احمد والاستاذ عمرو؟...عاوز اعمل شبكة انترنت 8 كيلو كاملين؟...ولو فيه اكتر ياريت.
نزل الصديقان لمقر مبيعاتنا فى دمياط وتم شرح الاتى...
(1) علشان تغذى كويس جدا فى نطاق منطقتك من 1 كيلو الى 2 كيلو لازم لك سيستم جيد تعتمد عليه فى بداية مشروعك..
(خد بالك ياكبير بدايتك هى سمعتك ..يعنى لو بدءت تعبان مهما عملت الناس خلاص عرفت انك تعبان وكلك مشاكل)
(ولو بدءت كويس واشارتك فى كل مكان..هايفضل العميل عارف انك افضل شبكة وتمام)
تم اقتراح الهايبر لينك والبوليت...طبعا للاسف كله عارف مشاكل الهايبر لينك ورفضوها لان جنبهم شبكات عاملة
المشروع بالهايبر لينك وطبعا سقطت وفشلت الشبكات دى..وعندهم حق فعلا لما روحت وشوفت الشبكات اللى جنبهم..
طيب يبقى نتوكل على الله ونشغل 2 سيكتور مصرى + 2 بوليت هاى باور يقفلوا الدايرة كاملة وهايقرء اشارتهم فى كل مكان
(2) عندى عملا على بعد 3 كيلو و 5 كيلو و 8 كيلو؟...
مافيش مشكلة ياكبير هانستعين بالتردد 5 جيجا هيرتز وهى قطعة نانو ام فايف نركبها مع ال 2 سيكتور ومن المسافات البعيدة
نستقبل باجهزة ام فايف وننزل نغرق المكان سلك ولو عاوز لاسلكى احط قطعة بيكو استيشن فوق الام فايف والدنيا هاتبقى روعة
وبالفعل قد كان..
بالرغم انهم لسه موصلوش لحد فوق 2 كيلو ركبنا لهم القطعة ام فايف لتكون نقطة البدء فى الوصول حتى 8 كيلو متر
تقدروا تشوفوا السيستم اللى ركب من الصور دى..وتستفادوا الاتى
(1) ضرورة تغليف الباورات والحفاظ عليها جيد جدا عن طريق الووتر بروف
(2) تامين البوليت جيد جدا عبر الفتحة البلاستيكية اسفله
(3( ضرورى ضرورى ضرورى تتصور جنب الحاجة بتاعتك طالما دافع فلوسها..هههههههههههه
وبكذا وضعية خد بفلوسك كلها صور ياريس ..ههههههههههه
ولازم تعطى لشريكك فرصة لانه دافع نص الفلوس زيه زيك يعنى..ههههههههه
(4) هاتتعرض لمخاطر جامدة وانت بتركب بس ولا يهمك انت قدها وقدود
(5) هاتجيب مهندس طخين وقصير بس زى العسل اسمه شادى سوفت متخرج من حقوق قسم شبكات وكانتين
هاينومك مغناطيسى وانت جنبه
وفى الاخر تتصور انت وشريكك واللاب توب بتاعكم صورة للذكرى قبل ماترفع شغلك
ولما ترفع شغلك صدقنى هايبقى لها طعم تانى خالص
شغل بث القنوات واعمل صفحة كويسة الناس يشوفوها
هات بوردة دمج للخطوط بتاعتك وظبط شغلك كله فى غرفة التحكم بتاعتك
واهم نقطة الناس اللى اتفحتت شغل دى لازم الكرش يتعاد تعبئته من جديد وبالاخص المهندس اللى اسمه شادى
وده لينك الرحلة كاملة صور على الاكاديمية التعليمية الخاصة بنا
وده بقى البهدلة اللى شوفناها ورحلة العذاب فوق 12 دووووووووووور بدون اسانسير
تحياتى لكم شادى سوفت