لو عاوز تنقل انترنت مسافة 15 الى 25 كيلو بطاقة جبارة من داتا وبينج 1 ملى سكند ايرجريد الاسطورة airgrade m5 (50db) HP




السلام عليكم ورحمة الله وبركاته..

منتج اليوم هو...

AIRGRADE M5 HP 50DBM UBNT

الاسطورة مخترق المسافات المسمى اير جريد تردد 5 جيجا هيرتز...

الاول.. ندرس انت عاوز تعمل ايه؟..

انت عاوز تجيب خدمة انترنت جيدة لان البلد اللى انت فيها مافيهاش خطوط ارضية لتغطيتك انترنت كويس؟؟..

او السنترال مافيهوش 4 ميجا واقصى حاجة 2 ميجا بس؟...

او السنترال الخطوط فيه بالنهار حلاوة وباليل زيتون اسود ممشش؟...

او السنترال تعبان جملة وتفصيلا وانت عاوز تحتكر البلد اللى انت فيها وتجيب انترنت يبقى مميز عن اى حد من بلد تانية؟..

الاتجاه الغالب انك هاتنقل انترنت من بلد تانية جنبك؟..

طب لو البلد دى اخترقت حاجز ال 7 كيلو اللى هو اقصى حاجة تقدر تستقبلها من نانو استيشن ام فايف؟...

برضه قبل ماندخل فى تفاصيل؟..

الحل هو انك تروح لبلد تانية جنبك وتجيب خطوطك من هناك عن طريق جهاز اسمه ايرجريد يعمل على تردد 5 جيجا هيرتز؟

يعنى ايه التردد ده؟..

التردد ده ياجميل هو عبارة ان الجهاز بيحول الانترنت اللى ماشى فى السلك وجاى له من الروتر الى انترنت هوائى...

الانترنت او البيانات الهوائية دى هاتتنقل عبر الجهاز بتاعنا اللى حول تشفيرها الى نت هوائى ويرسله فى الجو عبر تردد

والتردد ده قوته كبيرة جدا جدا لان حزمة البيانات فيه عريضة اوى..

هاقولك برضه يعنى ايه حزمة البيانات؟..

لو انت يوم جمعة كده صابح مروق ومزاجك عنب وعارف انك واخد يوم اجازة وراحة...

واذ بك تتخبط المفاجأة...الحاج بينادى عليك علشان تغسل العربية..اوف...وقعة مهببة...طبعا هاتشمر البنطلون لحد صدرك

ده لو ملبستش البوكسر الابيض اللى كلنا عارفينه الجميل ده اللى بيخلينا شبه القلة بتاعة المياه..هههههههه

المهم حوارنا الجاى انك هاتروح للحنفية وتشبك فيها خرطوم...صح؟..

طيب لو مسكت الخرطوم من اخر حتة فيه وروحت غاسل العربية المياه هاتنزل كتير اوى فى الحتة اللى انت فيها بس

مش هاتروح لبعيد...داتا كتير مسافة قريبة

لكن لو ضغطت ضغطة جامدة على راس الخرطوم؟؟؟....المياه هاتبقى قليلة بس مسافة بعيدة صح؟..

نفكر بقى فى الداتا بتاعتنا..بتاع النت...

الحزمة العريضة هاتنقل نت كتير اوى بس مسافة قليلة..يعنى مش هاخترق الجدران والخرسانات...

طيب لو اشتغلت على تردد محدش بيشوفه خالص؟..تردد 5 جيجا هيرتز..هانقل داتا كتير فى مسار غير مرئى واللى هايستقبل

نفس نوع الجهاز فى الجنب التانى او البلد التانية..

يعنى الخلاصة تردد 5 جيجا هيرتز ينقل مسافة بعيدة اوى داتا عالية اوى بس مافيش لاب توب ولا موبايل ولا عميل عادى

يقدر يشوف اشارتى لازم جهاز من نفس النوع لانى هانقل من نقطة لنقطة وهناك بقى ابقى اعيد التوزيع سواء سلك او لاسلكى.

يبقى منتج اليوم هو يعمل على تردد 5 جيجا هيرتز وكلنا فهمنا التردد ده بيعمل ايه!!!!!

طيب الجهاز بقى مواصفاته ايه؟..

مواصفات الجهاز..

الجهاز عبارة عن راس زى بتاعة الدش بتركيب فى طبق ولها فتحة من تحت يدخلها الكهربا والنت علشان تنقل من مكان لمكان

الجهاز له قوتان علشان نقيس قوته الكاملة..

الاولى وهى باور الجهاز نفسه اللى هو الراس اللى انت بتتعامل معاها بايبى وتبرمجها باسمك ودى باورها 23 ديبى

الثانية الشبكة او قطعة شبيهة بالردار وهى تسمى الانتنا الخاصة بها زى طبق الدش كده وظيفتها تجميع الاشارة وقذفها بعيدا

والقطعة المسماة بالانتنا دى شكلها زى الشبكة بتاعة الردار كده قوتها 27 ديبى

يبقى مجموع الباور للجهاز 23+27=50 ديبى ودى قدرة قوية جدا جدا لانها توصل مسافات من 15 الى 25 كيلو مرتاح

مشتملات الجهاز..

الجهاز ياتيك يحتوى كل مايلى..

(1) كرتونة تحتوى على  (راس الجهاز + قطعة خلفية لحمايته من الشتاء والشمس

 + باور اصلى من الشركة بقوة 24 فولت+

كابل باور ثلاثى اصلى لتوصيل الطاقة للجهاز + عدد 4 مسمار غير قابل للصدء

 لربط القطعة الخلفية + قاعدة حديد تقوم بربط

القطعتان الخلفية والامامية كما ورد بالفيديو المبين للمنتج فى الموضوع+ عدد 2 

افيز ربط بالماسورة + كلبش افيز)

(2) انتنا البث الخاصة بالجهاز (عبارة عن شبكة شبيهة بالرادار قوتها 27 ديبى )

(3) فاتورة ضمان 3 شهور ضد عيوب الصناعة


فيديو توضيح لشكل الجهاز وكيفية تجميعه وتركيبه




وده فيديو توضيحى لكيفية برمجة الجهاز للعمل كمحطة ارسال




ودى صور للمنتج من داخل الشركة الخاصة بنا






عيوب ومزايا المنتج..

اولا ..عيوب الجهاز

الجهاز ليس به عيوب فى اداؤه سوى انه يريد توجيه قوى وان تكون ظابط اتجاهاتك جيد جدا لان الملى بيفرق معاك فى الاشارة والداتا


الجهاز لايراه اى لاب توب او موبايل او عميل عادى لابد من جهاز على نفس التردد ليعمل معه ويقرؤه

ثانيا مزايا الجهاز...

قوة جبارة وهائلة فى نقل الانترنت هاتلاقى قارى داتا تصل الى 300 ميجا بايت بالثانية وطبعا اقوى شبكة هاتلاقيه جايب 40 ميجا

يعنى نقطة لسه فى بحره

البينج 1 ملى سكند على الدوام

مكان بيع الجهاز

دمياط  (السنانية كوبرى عبد المجيد محل شادى سوفت)

السعر

1400 جنيه مصرى

سعر خاص للاتصال الفورى



ارقام التليفون

01009661565
0572361289

تحياتى لكم مهندس شادى سوفت


  1. أستاذ شادي ممكن حضرتك شرح وسكربت برامج الشات http://wiki.mikrotik.com/wiki/Voip

    ردحذف
  2. الجهاز ده ارسال 1400 ولا ارسال واستقبال ولو ارسال بس كام سعر الاستقبال

    ردحذف
  3. طيب لو عاوز انتقل الانترنت لمسافة 50 كيلو ايه افضل جهاز وسعره كام من فضلك

    ردحذف
  4. لا سيادتك بترد ولا معبر الناس ...ياراجل

    ردحذف
  5. هههههههههههههههههههههههههههه
    الراجل خلاص اتحبس
    ابقو خدولو عيش وحلاوة وانتو رايحيلو للزيارة

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...