لاول مرة معدتش هاتفصل عن المشتركين وفلوسك هاتيجى لك لحد عندك بدون اى تدخل منك طبق الفكرة فورا..



السلام عليكم ورحمة الله وبركاته

طبعا انتوا شوفتوا الصورة وقريتوا العنوان دخلتوا جرررررررررررررى...هههههههههه

ماشى ماشى ماهو ده حال كل اصحاب الشبكات وانا اولكم...

شوف بقى ياسيدى انت وهو...ياغلابة يامفحوتين...

كلنا عارفين موسم الفقر والنحس اللى بيبقى من يوم 28 الى يوم 5 فى الشهر تلاقى اعطال الدنيا بقت فى شبكتك بالرغم انها زى الفل

طول الشهر بس لاجل الحظ بقى وحسد الناس اللى عماتلين يقولوا لك 30 جنيه من كل شقة وعمالين يحسبوا فلكيات مش معانا!!!!!

لازم تروح مفقرة كده فى اواخر الشهر ساعة لم الاشتراك....

شايفك ياللى عمال تقول اى والله ...ماهو انا برضه صاحب شبكة يامعلم وعارف دماغك فيها ايه ياريس!!!!

المهم نيجى لموضوعنا...

انا كل اول شهر بجيب 16 حقنة مسكن !!!! و 14 رباط ضغط لصابعى!!!!! و 12 ماوس كمبيوتر!!!!

عارفين ليه؟..

علشان بقعد ساعتين ابحلق فى 500 يوزر مين اللى هاقفله ومين اللى هاسيبه؟....

مين اشترك يوم 1 ومين يوم 10 ومين يوم 15 ومين ومين ومين ومين...لحد مابيجيلى شلل رباعى وخماسى وبكره نفسى

وبكره الشبكة وبكره اسرائيل كمان!!!!!!!!!!!!على راى البشمهندس شعبان عبد الرحيم

على فكرة انا بتكلم بجد....موضوع انى افصل عن المشترك يوم اشتراكه ده مشكلة ممكن تخليك طول الشهر قاعد ادام السيرفر

طب ايه رايكم بقى نرحم نفسنا ونشترى دماغنا ونعمكل حركة جميلة اوى هافمها لكم حالا...


عم سعد جالى يوم 4 فى الشهر وصلت له واخدت منه الاشتارك وحاسبته على السلك...يبقى عم سعد يتفصل يوم كااااااااااام؟!!!

عم احمد اشترك يوم 18 فى الشهر وحاسبته وكله تمام....عم احمد بقى المفروض يحاسبنى يوم كااااااااااااااااام؟..!!!

وهكذا...

طبعا فيه ناس بتقولك لا ياعم انا احاسبه على ال كام يوم اللى خدهم علشان نبدء اول الشهر.!!!!

اقولك انا بقى جتك خيبة ياموكووووووووووووووس....ماهو انت برضه هاتقعد للناس بتوع يوم 1 فى الشهر تفصل واحد واحد

النهاردة بقى..

انت هاتوصل لعم سعد وعم احمد وانت بتعمل لهم البروفايل هاتقول للميكروتيك ان عم سعد اشترك يوم 4 وعاوزك يوم 4 تعمل معاه

الصح وتمسكه السلك عريان!!!!!!!!!!!

وبرضه كل ماتوصل لحد روح للميكروتيك وانت بتعمل له البروفايل وقوله يظبطه تظبيطة من نار...

وانت بقى روح اقعد على قهوة عبده سكلانس بتاع البرشام واطلب لك قهوة بحليب وشيشة وعمر دماغك وانسى المشتركين

هاتلاقى كل واحد جاى لك جرى واكل علقة موت من السيرفر بتاعك وتلاقيه بيقولك خد فلوسك ياعم انا غلطان.!!!!

عاوز تفهم الكلام ده عملى بقى بجد

انت هاتغير بس ده باليوم اللى اشترك فيه

5@shadysoft.com

تشوف الفيديو على الموقع

الفيديو



وبكده يتبقى اهم حاجة فى الموضوع..

الاسكريبت اللى هاينفذ الطريقة...

انا رفعته على الموقع

الملفات المرفقة

اترك رد ليكتمل التحميل من فضلك سيرفر ميكروتيك العرب

الملف الحجم , عدد مرات التحميل :



تحياتى لكم  شادى سوفت

بالنسبة لمستخدمى البرودباند

تم تعديل اسكريبت من قبل الاخ محمد الغبارى ويعمل جيدا


الملفات المرفقة

اترك رد ليكتمل التحميل من فضلك سيرفر ميكروتيك العرب

الملف الحجم , عدد مرات التحميل :


  1. مش فاهم لي ما تشتغل على اليوزر مانجر وتريح راسك ؟؟؟؟؟؟؟

    ردحذف
  2. باااااااااااااااااااااااااسورد فك الصغط ايه يا باش مهندس

    ردحذف
  3. شوفولنا حل في التحميل

    ردحذف
  4. وعلى ايه يا كبير ....... مشيها كروت
    الكارت بيكفى العميل 30 يوم من لحظة ادخاله فى السيرفر
    وبعد 30 يوم بيروح هو جرى يشترى الكارت من غير وجع دماغ

    ردحذف
    الردود
    1. هو انت شغال كروت ياغالى
      والتنظام ده شغال تمام على الهوت سوبت ولا يوزر مانجر ياغالى
      برجاء الرد

      حذف
  5. الرول فيه حاجه مش مظبوطه ياشادي :( [-( @-)

    ردحذف
  6. المدونة مبتديش تحميل يا بشمهندس

    ردحذف
  7. انتا معلم واحنا منك بنتعلم

    ردحذف
  8. ازي بتتنفذ علي البرودباند

    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...