لو انت صاحب شبكة جديد او قديم ايه افضل انتنا تشتغل بيها فى التوزيع اللاسلكى؟..السيكتور المصرى بالتفصيل معلومات هامة جدا..egyantennasector




افضل سيستمات بركبها وانا مطمن على اداؤها..
سيستم السيكتور المصرى والبوليت...
نتعرف الاول على السيستم علشان نبقى فاهمين الدنيا فيها ايه؟...
ايه هو السيكتور وايه هو البوليت؟..
السيكتور المصرى..


هى انتنا مهمتها الاولى والاخيرة هى نقل وتقوية اشارة الاكسيس بوينت اللى بتركب عليه علشان توصلها الى مدى اعلى ونطاق اوسع(يعنى تزود الاشارة بالبلدى) يبقى متفقين ان الانتنا هى وسيلة توصيل اشارة لكن مش هى كل حاجة لان بدون اكسس تحتها يبقى كأنك بتاخد حقنة من غير سن؟.!!! هاه ينفع تاخد الحقنة بدون ابرة السرنجة؟!!!
طيب السيكتور دى زاويتها 180 درجة يعنى ايه؟..
هاقولك انا السيكتور 180 درجة يعنى بتبث لكل اللى فى وشها فقط والاجناب اما الخلف فمافيش اشارة وده معنى سيكتور يعنى موجه الى اتجاه معين..
لو حسبناها الانتنا الداير مايدور بتبث 380 درجة..اما السيكتور فهى نص الاتجاه ده..
لكن ركز جدا وخد بالك
الانتنا الموجهة دوما اقوى فى الاشارة من الداير مايدور لان الموجهة مركزة كل اهتمامها
على الاتجاه والناس اللى هى رايحة لهم..اما الداير مايدور ونسميها (اومنى) علشان منكتبش كتير ونوصل الفكرة اسرع..الاومنى 360 درجة بتبقى زى الاطرش فى الزفة !! ليه بقى..هى مشتتة فى كل ناحية واشارتها متوزعة هنا وهنا وهنا..هاشبه لك مثال..
لو انت بتلقى محاضرة فى القاعة وانت واقف فى وسط تلامذتك وكل واحد عمال يوجه لك سؤال وانت ترد عليه وكله فى نفس واحد ووقت واحد ياترى هايبقى نفس تركيزك لو مجموعة فقط هى اللى واقفة امامك وعمال ترد عليها فى اسئلتها؟؟!!
طيب نيجى لفكرة مهمة جدا غايبة عن الناس؟!!
ايه اللى مبوظ الهايبر لينك ال 15 ديبى الاستيراد الامريكية المنشأ والتى يتم تصنيعها فى الصين؟!!
خلينا نتكلم كلام بلدى كده انا فاهمه وانتم فاهمينه..
انا راجل صاحب شبكة (عاوز اكل عيش) يعنى ايه الكلمة دى..
يعنى عاوز حاجة متقرفنيش ومتزهقنيش واربط على اى اشارة اشتغل منها واى مكان اشتغل علشان اقدر الم تكلفتى والاقى فلوس اصرف منها
طيب لو جبت بوليت وهايبر لينك(ودى اسال فيها الناس اللى عندها البوليت والهايبر وهما يقولوا لك)

(1) الربط اقل اشارة على الاكسس 30 ديبى (الاشارة دى وانت بتربط وتعمل بحث على اكسس العملاء بتقراها لو اقل من 30 يبقى مافيش نت او فيه وبيقطع فحت)
(2) لاب توب او موبايل ..دى نادرا مايحصل ويمكن يحصل مرة واحدة فى حياتك بس (اسال اللى عندهم السيستم بتاع الهايبر)
(3) درجة حساسية عالية جدا جدا للنويز(يعنى الشوشرة..هافهمها لك..لو انت فاتح قناة اف ام وبتسمع اغانى وفجأة دخل عليك قناة قران وقناة اخبار على نفس الموجة ياترى هاتقدر تفهم انت بتسمع ايه؟؟...طيب النويز هى الشوشرة على قناة الارسال اللى بترسل بيها..يعنى لو ربنا كرمك وعملت مصلحة الهايبر والبوليت ..وتانى يوم احمد وعادل اصحابك قاموا حطوا جنبك كل واحد برج بوليت وهايبر وتالت يوم البلد اللى جنبك قام اصحابك وعملوا نفس المصلحخة واحنا كلنا شغالين على 13 قناة فقط وكل واحد منهم اخد قناة شبه التانى..!!! هاتلبس الليلة وتشيل اوبح انت ومشتركينك ومشتركينهم؟؟..
ماهو اكسيس المشترك هايسمع لاى شبكة من دول؟؟ كل القنوات عاملة شوشرة على بعض ومخلية الليلة طين بالهبل...
الهايبر بقى درجة حساسيتها عالية جدا نظرا لانها اومنى يعنى مشتتة فى ال 360 درجة..ثانيا لو حاجة اتحطت عليها اشارتها قليلة زى اكسيس او لاب ربط عليها اشارته قليلة بتبوظ كل شغلها والناس اللى عليها مش ابو اشارة قليلة بس؟..طب تفسير النقطة دى ايه؟..


الهايبر قارية اكسس اشارته قليلة  وعمالة تحارب علشان تقدر تبعت له داتا يعنى نت وطبعا محاربتها دى على حساب باقى الاكسسات ام اشارة حلوة فيبقى النت زفت الزفت على الحلو والوحش (السيئة تعم)
(4) عد المشتركين على الانتنا الهايبر مع البوليت مايزيدش عن 21 الى 25 اونلاين لو اكتر من كده النت يروح فى داهية ويبقى تقيل جدا ومحدش يشتغل
(5)الهايبر سعرها فى متوسط 800 جنيه مصرى
(6) نقطة الصفر...للناس اللى دارسة وعارفة فى المجال اللاسلكى ان تحت الانتنا النقطة صفر الاشارة منعدمة...يعنى الهايبر بتاعة الاماكن البعيدة وللاسف مع كتر الشبكات لا عادت شغالة بعيدة ولا قريبة واسمعوا وشوفوا بنفسكم تجاربها عند الناس اللى مركباها
السيــــــــــــــــــــــــكتور المصرى..
السيكتور يعنى الانتنا التوجيهية ودوما الموجه اقوى ضعفين الاومنى..ايه سر نجاح النانو ستيشن ام فايف واللوكو والنانو استيشن ام تو واى اكسيس موجه؟.... السر فى التوجيه وتركيز الاشارة صح ولا انا غلطان..ناهيك عن نوع التردد..عغلشان اللى هايقولى دول ام فايف طب ماهو فيه بوليت ام فايف وانتنا هايبر 12 ديبى ام فايف؟..ليه الناس مبيشروهاش وبيروحوا للحاجات الموجهة دى؟..
خد بالك السيكتور يرمى مسافة ابعد...التوجيه يقوى الاشارة...
السيكتور المصرى...مش عاوز اشارة معينة للربط
السيكتور المصرى..بتحمل عد اكسسات اكتر علشان النويز اقل لان حتى لو اصدقائك عاملين شبكات يبقى اللى هايأثر عليك الشبكات اللى فى وشك مش اللى فى ظهرك فده يقلل نسبة النويز على القناة اللى انت بتبث بيها لعملائك فى وشك الى النصف مما يزيد كفاءة شبكتك وقدرتك على التميز بين الشبكات فى البلد
السيكتور المصرى بيشغل اللاب توب والموبايل بكل سهولة (بس نتفق الاول فى النقطة دى) التدرر اللاسلكى المجانى اللى كلنا شغالين فيه ده اسمه 2.4 ده ترد عالى وعريض الموجة وكل مالاموجة تبقى عريضة والرقم يعلى كل ماقل قوتها فى الاختراق..يعنى ايه ..اقولك انا ..فودافون وموبينيل واتصالات..دول شغالين على تردات بيدفعوا ليها مليلرات الجنيهات للدولة علشان تحميها لهم ومحدش يشتغل معاهم عليها...الترددات اللى شغالين عليها تبدء من 900 يعنى تردد وموجة اقل بكتير جدا وتقدر تخترق فكلما قلت الموجة ترد وعرض تقدر تخترق الجدران..والدليل انت بتشتغل نت تحت البطانية وانت نايم على السرير فى بيتكم وامامك مليون عمارة خرسانة دخلت لك الاشارة ازاى؟...
اما الترد 2.4 فهو ترد (_طخين وملظلظ) يجى يدخل فى الخرسانةيجى له حول فى عنيه ودوار البحر وهوبا يلف ويرجع عليك يعمل نويز:d
يبقى نتفق فى النهاية لان مافيش جهاز لاسلكى من اللى شغالين بيهم يقدر يخترق الجدران فى الاساس ويوصل لللاب توب والموبايل الا فى نطاق يكون مكشوف يعنى نقول 300 متر مثلا ابقى شايف شغلى بعينى
السيكتـــــــــــــــور المصرى ماعندوش النقطة صفر يعنى اربط بيه تحت البيت وفى الشارع عادى..بس برضه بلاش الاحلام الزيادة..لانه دوما افضل من الهايبر فبما ان الهايبر يستحيل تعمل كده تحتها ولا فى الشارع فهو يقدر يعمل كده بنسب عالية جدا واسالوا اللى مجربين السيستم الهايبر ...
انت لو هاتعمل سيستم السيكتور المصرى بقطعتين هايبر وقطعتين سيكتور يبقى بقى معاك 75 الى 80 مشترك(يعنى ضعف العملاء) اصبح معاك اسمين للشبكة (يعنى سيستمين كاملين تربط على احسنهم اشارة) اصبحت متخافش من التركيبة او ضعف الاشارة وهارتوح للعميل واثق انك هاتشغله باذن الله من اى واحد منهم يعنى مش هاتقرفك(يعنى ضمنت الخدمة وتوصيلها فى اى مكان ووقت)
سعر الانتنا السيكتور المصرى 650 جنيه يعنى توفر 150 جنيه عن الهايبر وبالمقارنة بين اداء كل منهما تجد انك كسبان كتييييييييييير مع السيكتور المصرى
-------------
نقطة الضمان؟..
الهايبر 3 شهور فقط..ده كل التجار بيعملوا كده
السيكتور المصرى ضمان سنة استبدال فى اى وقت..ياترى الضمان ده موجود على اى منتج فى بلدك هنا فى مجال النتورك والشبكات؟..
--------
نقطة التطوير
الهايبر كما هت منذ طلعت السوق (كان نزل دفعة مضروبة غرقت الاسواق ومختومة وسمعنا قصص عن الختم ده ..انقطعت فترة ورجعت اشارتها اقل من الاول كتير جدا..كل مدى الاشارة تقل عن الاول..اسال اللى معاه واحدة قديمة اشارتها ازاى..واللى معاه واحدة جديدة عاملة ازاى.؟وبالعقل تقدر تستنتج اللى بيحصل وكل مدى تقل الجودة والاشارة)

السيكـــــــــــــــــــــــــتور المصرى نزل منه الاصدارة الاولى 18 ديبى....ثم تم تطويره للاصدارة 2 الهاى باور 20 الى 21 ديبى وتم استبدال الظهر العادى بالاستانلس ستيل المقاوم للصدء والعاكس للاشارة اعلى فاصبحت الان اقوى انتنا موجودة بالسوق وتجدها فى كافة المحافظات تحمل اسم (السيكتور المصرى egyantenna)....

-----------
نقطة الحساسية

الهايبر استحالة تربط اقل من 30 الى 32 مع العمل ان لو ربطت على 30 او 32 وزاد عد المشتركين الشبكة كلها هاتبقى فى مشاكل يوميا...

السيكتور المصرى يربط من 20 ديبى وصورنا التجارب دى كتير جدا فى بداية مرحلة الترويج للانتنا

----------

نقطة هامة جدا جدا

النصـــــــــــــــــب على العملاء باسم الانتنا السيكتور المصرية

كل المواصفات السابق ذكرها تنطبق جملة وتفصيلا على الانتنا السيكتور المصرى التى اقوم ببيعها فقط باسم السيكتور المصرى على رقم (01009661565)
فى الايام الماضية وبعد النجاحات التى شهدتها الانتنا لكثرة الطلب عليها وتواجدها بالعديد بل بكل محافظات مصر
قام شخص بنسخ التصميم الخاص بها (الناس كلها اتكلمت على مدة قوة الانتنا ولما نزلنا كمان الاصدارة 2 بالظهر الاستانلس قام بطبع التصميم وعمل نفس الشكل والظهر الاستانلس واطلق عليها السيكتور الصعيدى...انا لا اعيب فى منتجه او منتج غيره انا بس بوضح نقط هامة جدا وللقارىء والمشترى الحكم الكامل
انظر لتاريخ صدور الانتنا المصرى 18 ديبى الاولى...ثم انظر لتاريخ صدور الانتنا الصعيدى 15 ديبى الاولى..(اعرف انت واحكم بنفسك من بدء العمل الاول ومن قام بالتقليد)
انظر لتاريخ صدور الانتنا المصرى 20 ديبى بالظهر الاستانلس..ثم انظر لتاريخ صدور الانتنا الاستانلس الصعيدى المقلدة واحكم ايضا بنفسك

الطامة الكبرى....
ودى نقطة غايبة جدا عن بال كثيرين
+-50 اوم
هل حد يعلم ايه اللى انا كتبته ده؟...موجب وسالب خمسين اوم...
انظر لسعر الانتنا المصرى الخاصة بنا من يوم مانزلت..وانظر لسعر الانتنا الصعيدى من يوم مانزلت
دوما سعر الصعيدى اقل الى النصف..محدش سال نفسه؟؟الناس دى حرامية ولا ايه ؟؟ازاى بيبعوها ب ضعف الثمن؟..ولا الراجل بتاع الانتان الصعيدى ده بيصرف عليه من جيبه؟...
اوضح انا بقى للناس الفرق فى اختلاف السعر امام الجميع ويشهد الله تعالى انى ماكتبت الا الحق ولو فيه حاجة غير كده انا مستعد للمحاسبة امامكم ناهيكم انى من مبيعاتها باكل وبشرب وبصرف على اهل بيتى ويستحيل اقبل الحرام ادخله على نفسى وعلى اهل بيتى.!!!

الفرق يكمن فى (الكونكتور)...

الكونكتور هو همزة الوصل بين البوليت بتاعك وبين الانتنا..الكونيكتور ده فى ظهر الانتنا
لازم يكون درجة قياسات معينة بانه يبقى +-50 اوم يعنى اقل من او اعلى من 50 اوم بدرجة واحدة..طب لو الكونكتور ده بقى 75 اوم ايه اللى هايحصل؟..
اقولك بقى انا ايه اللى هايحصل...
الاشارة ضعيفة
البوليت عمره يقل جدا لانه فى النهاية الباور بتاعه او المكبر بتاع الاشارة بتاعته سيظل فى تدهور الى ان يتحرق واظن انت سمعت كتير عن البوليتات اللى ركبت على سيكتورات واتحرقت البوليت معدتش مطلعة اشارة؟..
النقطة دى ازاى تم التلاعب فيها؟..
فى السيكتور المصرى الكونكتور المستخدم (كونكتور استيراد سعر القطعة فيه 160 جنيه الى 140 جنيه يتم شحنها عبر دى اتش ال لداخل البلاد عندنا فى مصر وده اللى ساعات بياخد 10 ايام على مايدخل البلد وده برضه اللى احيانا بياخر فى طلببية الانتات للناس اللى بتطلبها) كونكتور غاية فى الاحترام ..غالى ...+- 50 اوم كامل
يعنى بادىء ذى بدء احسب 140 جنيه فى المتوسط بالاضافة الى مصارف شحن تصل الى 20 جنيه مثلا..ده احد اسابا ارتفاع سعر الانتنا السيكتور المصرى نظرا للخامات الغالية فى الاساس

فى السيكتور الصعيدى..الكونكتور المستخدم يباع فى مول السخاوى ومولات الشبكات فى التحرير وتقدر تسال عنه لا يزيد عن 22 جنيه مثلا الى 25 جنيه مصرى؟؟؟؟بامانة ربنا حكم انت عقلم فى المول وبالسعر ده وانت عارف ان المول هايحط مكسب مثلا 10 جنيه ولا 8 جنيه يبقى مثلا الكونكتور صفى سعره على 10 جنيه ده يبقى كفائته ايه بالله عليك انت تحكم...الكونكتور +-75 اوم واتحدى حد يقدر يتحكم فيه ويظبطه على البوليت +-50 اوم...
ده معناه ضعف اشارة واداء وسرعة قتل السيستم وحرق البوليت...
وده برضه يفسر سر مدى رخص سعر الانتنا الزهيد

انا مش هاخوض كتير فى الانتنا السيكتور الصعيدى انا حكيت لك وانت ادامك دى وادامك دى جرب وبالله عليك امام الناس تحكم على تجربتك بامانة بينك وبين ربك..بس خد بالك التعليم مش ببلاش لانك لما تحط سيستم تعبان وفكيته وربط عليه ناس دى سمعة الشبكة فى بداية تركيبها والله لو جبت سيستم بعد كده من الهند الناس عرفت انك سىء الخدمة

------------
نقطة هامة جدا جدا جدا
ظهر فى دمياط احد الاشخاص يقوم بتصوير صور لانتنا بيقولك انها شغل مصنع..وشغل فضاء..وان وكالة ناسا متبنياها بالتطوير...
انتوا فاكرينى بهزر؟؟.
انا مش بهزر
فعلا الشخص عمال يكتب انها مصنعة فى مصانع وليست تحت السلم وانا التقفيل بتاعها خرافة وجبار وبتطلع نار ...خش على بوسطاته هاتشوف توفيق عكاشة بتاع الشبكات اللاسلكية انا مش هاذكر اسمه ولا هاذكر هو مين اكيد منكم هايشوف حاجات من دى فى يوم من الايام تذكر اللى كتبته هنا ده
(1) هو فيه حد بتاع شبكات وراجل واصل وله مركز مرموق ونشاط بليغ كل يوم يصور طرد رايح لحد ويعمل له بوسط ويقولك انا ياجدعان شحنت لفلان الفلانى النهاردة والحاجة اهى واتفرج ياسلام على عبد السلام؟..طب ده يقل منك  ولا يزيد مكانتك ياراجل؟..
(2) شادى سوفت من تتحدث عنه ببذاءة امام الجميع وانه مبيفهمش حاجة وان كل دى مهرجانات..ياراجل اتقى الله الاول واما بنعمة ربك فحدث ...ومن علمك حرفا صر له عبدا يااخى الكريم...ونفسى بس تشوف حد من اللى بيجى لك بالمجلة تعملها له وشايل الكيسة على قلبه وتفهمه انك بروفيسور تسطيب مجلات(مش طالب منك الا انك تحكى روحت لشادى سوفت كام مرة محله وهو مسافر علشان يسطب لك المجلة ويشغل لك القناة والله ماهذكر تفاصيل علشان مكانتك واحترامك فقط بين الناس)
(3) ودى بقى اسمها الامانة...لان عكس الامانة الخيانة....بالله عليك تذكر منتج الانتنا اللى عمال تروج لها اسمه ايه وبيعمل تصميمها فين ومنين؟..(اللى عندى انا هاذكره والناس تعرف ان منتج الانتنا (رامى) كان يعمل مع المهندس وليد منتج الانتتنا المصرى وقام بتصوير تصميمات الانتنا وترك العمل والمجال مع المهندس المنتج الاصلى وقام بصناعة الانتنا من تانى باسم تانى..بالله عليك دى اسمها امانة؟.. لو فيه غير كده كلام اتحاسب عليه
-------------------------

كل ماكتبته عن من يروج لاى انتنا غير الانتنا السيكتور المصرى التى ابيعها انا شخصيا برقم 01009661565 مستعد للمحاسبة عليه والله وحده يعلم تعبنا قد ايه فى ظهور الانتنا للنور واجتياحها محافظات مصر..لكن ايضا الله تعالى لا يرضى انى اسيب ناس يتنصب عليها باسم وشهرة الانتنا السيكتور المصرية تحت اى مسمى مثل الانتنا الصعيدى وانتنا الاخ بتاع دمياط..وللقارىء الحرية الكاملة فى تجربة ماقلته..

-----------

انتظروا الشروحات القادمة لكيفية بناء الشبكة من البداية للنهاية بالسيكتور المصرى والبوليت..وهانجيب فيديوهات وصور من كل انحاء مصر اللى تم التركيب فيها..

تحياتى لكم مهندس شادى سوفت دمياط..الموزع للانتنا السيكتور المصر 01009661565


  1. السلام عليكم لك كامل الاحترام
    انا من الساحل الشمالى ومتابع لحضرتك وموضيعك المفيدة
    انا لسة جديد فى المجال اتواصل مع حضرتك فى شخصك ازاى شكرن

    ردحذف
  2. السلام عليكم شكرا لمواضيعك الشيقة و الممتعة في نفس الوقت
    انا امين من الجزائر عند اونتين tp link 2415
    وعنديbullet m5 1000mw كم مساحة أقدر أغطيها بهادا الجهاز و ماهي مزايا و مساوء هدول الاثنين
    شكرا اخي العزيز

    ردحذف
  3. أزال أحد مشرفي المدونة هذا التعليق.

    ردحذف
  4. جزاك الله خيرا على البساطة والافادة

    ردحذف
  5. سعر اتنين بولت واتنين الانتنا السيكتور المصرى كام لو سمحت ؟


    ردحذف

إذا أعجبك محتوى موقع ميكروتيك العرب اتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...